...
МЕНЮ
ONLINE TV

Ўзбекистонда озиқ-овқат маҳсулотлари октябрь ойида қанчага қимматлагани айтилди


14:58, 01.11.2018 Жамият
 2 934

Озиқ-овқат маҳсулотлари нархлари январь (ой давомида 3,5 %), сентябрь (3,3 %) ва октябрь ойларида (2,3 %) сезиларли даражада қимматлашди.

Ўзбекистонда жорий йил октябрь ойида  озиқ-овқат маҳсулотлари нархларининг ўртача 2,3 %га  ўсгани умумий ИНИ даражасининг 1,0 фоиз даражасига ортишига олиб келди. 2017 йилнинг декабрь ойига нисбатан нархларнинг 8, 5 %га ошгани эса умумий кўрсаткичнинг 3,7 ф. д.да кўтарилишига сабаб бўлди. Бу ҳақда Давлат статистика қўмитаси маълум қилди.
 
Озиқ-овқат маҳсулотлари нархлари январь (ой давомида 3,5 %),  сентябрь (3,3 %) ва октябрь ойларида (2,3 %) сезиларли даражада қимматлашди.
 
Июнь ва июль ойларида умумий озиқ-овқат маҳсулотлари нархлари даражасининг пасайиши том маънода бозорларнинг янги мева-сабзавот ҳосиллари билан тўйинганлиги, шунингдек, парранда гўшти ва тухум каби маҳсулотлар нархларининг сезиларли даражада арзонлашганлиги билан тавсифланади


 
Истеъмол секторидаги асосий турдаги озиқ-овқат маҳсулотлари гуруҳлари орасида нон маҳсулотлари (0,9 %),  гўшт маҳсулотлари (1,1 %),  тухум (15,1 %) ва мева-сабзавот маҳсулотларининг қимматлашиши октябрь ойидаги озиқ-овқат маҳсулотлари ва умумий нархлар даражасининг кўтарилишига жиддий таъсир кўрсатди.
 
Нон маҳсулотлари нархларининг асосий қимматлашиши жорий йилнинг сентябрь ойида ўртача 10,9 %га кўтарилгани қайд этилди. Октябрь ойи давомида эса нархларнинг кўтарилиши борасидаги тенденция сақланиб қолди ва ушбу гуруҳ таркибига кирувчи макарон маҳсулотлари ҳамда обинон 2,6 %,  олий навли буғдой унидан нон 2,5 %,  гуруч 1,4 %,  олий навли буғдой уни 1,2 %,  биринчи навли буғдой уни нархлари 0,4 %га ошди. Шу билан бир қаторда гречка 1,4 %,  ловия 1,2 % ва нўхат нархлари 0,5 %га арзонлашди.

Теглар:Озиқ-овқат маҳсулотлари Давлат статистика қўмитаси 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар