Ҳафта бошида “Tashkent City” марказининг қурилиши бошланиши биланоқ аввалига Бош вазир Абдулла Арипов, кейин Шавкат Мирзиёев ташриф буюрди.
Октябрь ойининг сўнгги тўлиқ ҳафтасини сарҳисоб қилар эканмиз, ўтган 7 кун давомида Ўзбекистон ва дунёнинг кўплаб мамлакатларида аҳамиятга молик бир қатор воқеа-ҳодисалар содир бўлди. Улар билан қисқача таништирамиз.
23 октябрь, душанба
Шавкат Мирзиёев “Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида”ги фармонни имзолади. Президент фармони билан бир неча ходим II даражали “Шон-шараф” , “Дўстлик”, “Мардлик” орденлари ҳамда “Жасорат”, “Содиқ хизматлари учун”, “Шуҳрат” медаллари билан тақдирланди.
Ўзбекистон футбол федерацияси президенти Умид Аҳмаджонов ва Ижроия Қўмитасининг аъзоси Бобур Шодиев Лондон шаҳридаги “Палладиум” театрида бўлиб ўтган ФИФАнинг йил якунларига бағишланган анъанавий гала-оқшоми — “The Best FIFA Football Awards 2017” тантанали тақдирлаш маросимида иштирок этди. Тадбир давомида Умид Аҳмаджонов ва Бобур Шодиев жаҳон футболи намоёндалари ва афсоналари — Диего Марадона, Роналдо, Лионель Месси, Оливье Жиру, Андрес Иньеста, шунингдек, “Реал” клуби президенти Флорентино Перес, италиялик мутахассис Карло Анчелотти билан учрашди.
24 октябрь, сешанба
Ислом Каримов, Алишер Навоий шоҳкўчалари, Фурқат ва Олмазор кўчалари ўртасида 80 гектар майдонда жойлашиши режалаштирилган “Tashkent City” халқаро бизнес марказининг қурилиш ишлари бошланди. Олиб борилаётган қурилиш ишлари фотосуратлари билан мазкур ҳавола орқали танишишингиз мумкин.
Грецияда 2018 йилнинг 9-25 февраль кунлари Жанубий Кореянинг Пхёнчхан шаҳрида бўлиб ўтадиган қишки Олимпиада ўйинлари машъаласини ёқиш маросими ўтказилди. Маросим Пелопоннес яриморолида жойлашган Олимпия тоғида бўлиб ўтди. Машъалани 8 кун давомида 505 нафар спортчи кўтаради ва 31 октябрь куни Афинадаги “Панатинаикос” стадионида Пхёнчхан вакилларига топширилади. Уни “Манчестер Юнайтед” клубининг жанубий кореялик собиқ футболчиси Парк Жи Сун қабул қилиб олади.
25 октябрь, чоршанба
Ўзбекистон Республикаси Президенти Шавкат Мирзиёев Туркия Республикаси Президенти Ражаб Тойиб Эрдўғаннинг таклифига биноан Туркияга борди. Анқарадаги “Эсенбоға” аэропортида Ўзбекистон Республикаси Президенти Шавкат Мирзиёевни Туркия Республикаси Бош вазири ўринбосари Бакир Бўздоғ кутиб олди.
Ўзбекистон Республикаси Президенти Шавкат Мирзиёев Туркия Республикасининг биринчи президенти Мустафо Камол Отатурк ҳоки қўйилган Аниткабир ёдгорлик мажмуасига ташриф буюрди ва унинг қабрига гул қўйиб, унинг ёрқин хотирасига ҳурмат бажо келтирди.
Ўзбекистон Республикаси Президенти Шавкат Мирзиёевни Туркия Республикаси Президенти саройида тантанали кутиб олиш маросимидан сўнг, Президентлар Шавкат Мирзиёев ва Ражаб Тойиб Эрдўған мулоқотни кенгайтирилган таркибда давом эттирдилар.
Шанхай ҳамкорлик ташкилотига аъзо давлатларнинг Олий суд раислари 25 октябрь куни Тошкент шаҳрида ўн иккинчи йиғилишни ўтказдилар.
Хитой Халқ Республикаси раҳбари Си Цзиньпин Коммунистик партия Марказий Кенгаши бош котиби лавозимига қайта сайланди. Партия кенгаши пленумида Марказий Кенгаш сиёсий бюросининг янги таркиби сайланган бўлиб, унинг таркибида 25 нафар сиёсатчилар фаолият юритади. Улардан фақат бир нафари аёл киши.
Ўзбекистон Республикаси Президенти Шавкат Мирзиёевнинг турмуш ўртоғи Зироатхон Ҳошимова Туркия Республикаси Президенти Ражаб Тойиб Эрдўғаннинг турмуш ўртоғи Эмине Эрдўған билан учрашди.
Ўзбекистон Республикасининг Буюк Британия ва Шимолий Ирландия Бирлашган Қиролликларидаги фавқулодда ва мухтор элчиси Алишер Шайхов Буюк Британия қироличаси Елизавета II га ишонч ёрлиқларини топширди.
26 октябрь, пайшанба
Ўзбекистон Президенти Шавкат Мирзиёев Истанбул шаҳрига келди. Давлат раҳбари Истанбулда Туркия Бош вазири Бинали Йилдиримни қабул қилди. Шунингдек, мазкур қабул жараёнида Туркия ишбилармон доиралари вакиллари билан учрашувлар ҳам ўтказилди.
Ўзбекистон Республикаси Президенти Шавкат Мирзиёев Истанбул шаҳрига ташрифи чоғида Топкапи саройини бориб кўрди. Шавкат Мирзиёев саройга турмуш ўртоғи Зироатхон Ҳошимова билан бирга ташриф буюрган ҳамда сарой тарихи, музейдаги қадимий экспонатлар билан танишди.
Қозоғистон Республикаси президенти Нурсултон Назарбоев “Кирилл ёзувидаги қозоқ алифбосидан лотин графикасига ўтиш тўғрисида”ги фармони қабул қилди. Лотин ёзувига ўтиш 2025 йилга қадар амалга оширилиши белгиланган.
27 октябрь, жума
Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуасининг расмий сайти – “islamkarimov.uz” ва “islomkarimov.uz” иш бошлади.
Ўзбекистон Республикаси Бош вазири Абдулла Арипов “Тashkent City” қурилиш объектида олиб борилаётган ишлар билан танишиш мақсадида қурилиш ишлари олиб борилаётган майдонга ташриф буюрди. Тадбирда Тошкент шаҳар ва Шайҳонтохур тумани ҳокимлари қатнашгани хабар қилинди.
Тошкент шаҳрига Россия Федерацияси Ҳукумат Раиси ўринбосари Дмитрий Рогозин бошчилигидаги делегация амалий ташриф билан келди.
“Ўзбекфильм” акционерлик жамиятининг навбатдан ташқари йиғилиши бўлиб ўтди. Ҳилол Насимов бошқа ишга ўтгани муносабати билан “Ўзбекфильм” АЖ директорлиги лавозимидан озод этилди.
17 йилдан буён Хоразм вилояти ҳокими ўринбосари лавозимида ишлаган Шакаржон Хўжаниёзова вафот этди. У 28 октябрь куни ўзи туғилиб ўсган Боғот туманига дафн этилди.
28 октябрь, шанба
Ўзбекистон Республикаси Президенти Шавкат Мирзиёев Шайҳонтоҳур туманига ташрифи чоғида “Tashkent City” халқаро бизнес маркази лойиҳаси билан танишди.
Ўзбекистон Республикаси Президенти Шавкат Мирзиёев Тошкент шаҳрининг Кичик халқа йўли ва Фарғона йўли кўчалари кесишган жойда қурилган йўл ўтказгични бориб кўрди.
Шавкат Мирзиёев Тошкентнинг Яшнобод туманида қуриб битказилган “Ашхобод сайлгоҳи”ни бориб кўрди. Президент сайлгоҳ атрофи, унга туташ ҳудудларни янада ободонлаштириш бўйича топшириқлар берди.
Шавкат Мирзиёев ер усти халқа метро линиясининг қурилиш ишлари билан танишди. Президент аҳолига қулайлик яратиш мақсадида янги замонавий транспорт линиясини 2020 йилгача тўлиқ фойдаланишга топшириш бўйича мутасаддиларга зарур топшириқлар берди.
Испания расмийлари томонидан Каталония ҳукуматининг вақтинча раҳбари тайинланди. Испания Бош вазирининг ўринбосари Сорая Саенц де Сантамария лавозимидан четлатилган Карлес Пучдемон ўрнига Каталония ҳукуматининг (женералитет) вақтинча раҳбари этиб тайинланди.
Дам олиш кунингиз хайрли ўтсин!
23 октябрь, душанба
Шавкат Мирзиёев “Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида”ги фармонни имзолади. Президент фармони билан бир неча ходим II даражали “Шон-шараф” , “Дўстлик”, “Мардлик” орденлари ҳамда “Жасорат”, “Содиқ хизматлари учун”, “Шуҳрат” медаллари билан тақдирланди.
Ўзбекистон футбол федерацияси президенти Умид Аҳмаджонов ва Ижроия Қўмитасининг аъзоси Бобур Шодиев Лондон шаҳридаги “Палладиум” театрида бўлиб ўтган ФИФАнинг йил якунларига бағишланган анъанавий гала-оқшоми — “The Best FIFA Football Awards 2017” тантанали тақдирлаш маросимида иштирок этди. Тадбир давомида Умид Аҳмаджонов ва Бобур Шодиев жаҳон футболи намоёндалари ва афсоналари — Диего Марадона, Роналдо, Лионель Месси, Оливье Жиру, Андрес Иньеста, шунингдек, “Реал” клуби президенти Флорентино Перес, италиялик мутахассис Карло Анчелотти билан учрашди.
24 октябрь, сешанба
Ислом Каримов, Алишер Навоий шоҳкўчалари, Фурқат ва Олмазор кўчалари ўртасида 80 гектар майдонда жойлашиши режалаштирилган “Tashkent City” халқаро бизнес марказининг қурилиш ишлари бошланди. Олиб борилаётган қурилиш ишлари фотосуратлари билан мазкур ҳавола орқали танишишингиз мумкин.
Грецияда 2018 йилнинг 9-25 февраль кунлари Жанубий Кореянинг Пхёнчхан шаҳрида бўлиб ўтадиган қишки Олимпиада ўйинлари машъаласини ёқиш маросими ўтказилди. Маросим Пелопоннес яриморолида жойлашган Олимпия тоғида бўлиб ўтди. Машъалани 8 кун давомида 505 нафар спортчи кўтаради ва 31 октябрь куни Афинадаги “Панатинаикос” стадионида Пхёнчхан вакилларига топширилади. Уни “Манчестер Юнайтед” клубининг жанубий кореялик собиқ футболчиси Парк Жи Сун қабул қилиб олади.
25 октябрь, чоршанба
Ўзбекистон Республикаси Президенти Шавкат Мирзиёев Туркия Республикаси Президенти Ражаб Тойиб Эрдўғаннинг таклифига биноан Туркияга борди. Анқарадаги “Эсенбоға” аэропортида Ўзбекистон Республикаси Президенти Шавкат Мирзиёевни Туркия Республикаси Бош вазири ўринбосари Бакир Бўздоғ кутиб олди.
Ўзбекистон Республикаси Президенти Шавкат Мирзиёев Туркия Республикасининг биринчи президенти Мустафо Камол Отатурк ҳоки қўйилган Аниткабир ёдгорлик мажмуасига ташриф буюрди ва унинг қабрига гул қўйиб, унинг ёрқин хотирасига ҳурмат бажо келтирди.
Ўзбекистон Республикаси Президенти Шавкат Мирзиёевни Туркия Республикаси Президенти саройида тантанали кутиб олиш маросимидан сўнг, Президентлар Шавкат Мирзиёев ва Ражаб Тойиб Эрдўған мулоқотни кенгайтирилган таркибда давом эттирдилар.
Шанхай ҳамкорлик ташкилотига аъзо давлатларнинг Олий суд раислари 25 октябрь куни Тошкент шаҳрида ўн иккинчи йиғилишни ўтказдилар.
Хитой Халқ Республикаси раҳбари Си Цзиньпин Коммунистик партия Марказий Кенгаши бош котиби лавозимига қайта сайланди. Партия кенгаши пленумида Марказий Кенгаш сиёсий бюросининг янги таркиби сайланган бўлиб, унинг таркибида 25 нафар сиёсатчилар фаолият юритади. Улардан фақат бир нафари аёл киши.
Ўзбекистон Республикаси Президенти Шавкат Мирзиёевнинг турмуш ўртоғи Зироатхон Ҳошимова Туркия Республикаси Президенти Ражаб Тойиб Эрдўғаннинг турмуш ўртоғи Эмине Эрдўған билан учрашди.
Ўзбекистон Республикасининг Буюк Британия ва Шимолий Ирландия Бирлашган Қиролликларидаги фавқулодда ва мухтор элчиси Алишер Шайхов Буюк Британия қироличаси Елизавета II га ишонч ёрлиқларини топширди.
26 октябрь, пайшанба
Ўзбекистон Президенти Шавкат Мирзиёев Истанбул шаҳрига келди. Давлат раҳбари Истанбулда Туркия Бош вазири Бинали Йилдиримни қабул қилди. Шунингдек, мазкур қабул жараёнида Туркия ишбилармон доиралари вакиллари билан учрашувлар ҳам ўтказилди.
Ўзбекистон Республикаси Президенти Шавкат Мирзиёев Истанбул шаҳрига ташрифи чоғида Топкапи саройини бориб кўрди. Шавкат Мирзиёев саройга турмуш ўртоғи Зироатхон Ҳошимова билан бирга ташриф буюрган ҳамда сарой тарихи, музейдаги қадимий экспонатлар билан танишди.
Қозоғистон Республикаси президенти Нурсултон Назарбоев “Кирилл ёзувидаги қозоқ алифбосидан лотин графикасига ўтиш тўғрисида”ги фармони қабул қилди. Лотин ёзувига ўтиш 2025 йилга қадар амалга оширилиши белгиланган.
27 октябрь, жума
Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуасининг расмий сайти – “islamkarimov.uz” ва “islomkarimov.uz” иш бошлади.
Ўзбекистон Республикаси Бош вазири Абдулла Арипов “Тashkent City” қурилиш объектида олиб борилаётган ишлар билан танишиш мақсадида қурилиш ишлари олиб борилаётган майдонга ташриф буюрди. Тадбирда Тошкент шаҳар ва Шайҳонтохур тумани ҳокимлари қатнашгани хабар қилинди.
Тошкент шаҳрига Россия Федерацияси Ҳукумат Раиси ўринбосари Дмитрий Рогозин бошчилигидаги делегация амалий ташриф билан келди.
“Ўзбекфильм” акционерлик жамиятининг навбатдан ташқари йиғилиши бўлиб ўтди. Ҳилол Насимов бошқа ишга ўтгани муносабати билан “Ўзбекфильм” АЖ директорлиги лавозимидан озод этилди.
17 йилдан буён Хоразм вилояти ҳокими ўринбосари лавозимида ишлаган Шакаржон Хўжаниёзова вафот этди. У 28 октябрь куни ўзи туғилиб ўсган Боғот туманига дафн этилди.
28 октябрь, шанба
Ўзбекистон Республикаси Президенти Шавкат Мирзиёев Шайҳонтоҳур туманига ташрифи чоғида “Tashkent City” халқаро бизнес маркази лойиҳаси билан танишди.
Ўзбекистон Республикаси Президенти Шавкат Мирзиёев Тошкент шаҳрининг Кичик халқа йўли ва Фарғона йўли кўчалари кесишган жойда қурилган йўл ўтказгични бориб кўрди.
Шавкат Мирзиёев Тошкентнинг Яшнобод туманида қуриб битказилган “Ашхобод сайлгоҳи”ни бориб кўрди. Президент сайлгоҳ атрофи, унга туташ ҳудудларни янада ободонлаштириш бўйича топшириқлар берди.
Шавкат Мирзиёев ер усти халқа метро линиясининг қурилиш ишлари билан танишди. Президент аҳолига қулайлик яратиш мақсадида янги замонавий транспорт линиясини 2020 йилгача тўлиқ фойдаланишга топшириш бўйича мутасаддиларга зарур топшириқлар берди.
Испания расмийлари томонидан Каталония ҳукуматининг вақтинча раҳбари тайинланди. Испания Бош вазирининг ўринбосари Сорая Саенц де Сантамария лавозимидан четлатилган Карлес Пучдемон ўрнига Каталония ҳукуматининг (женералитет) вақтинча раҳбари этиб тайинланди.
Дам олиш кунингиз хайрли ўтсин!
Дурдона Расулова
