...
МЕНЮ
ONLINE TV

Ўзбекистонда энергетик ичимликларни сотишга оид тақиқлар ўрнатилади


10:25, 14.12.2018 Жамият
 1 948

“Реклама тўғрисида”ги Қонун ҳам энергетик ичимликлар рекламасига қўйиладиган талаблар билан тўлдирилди.

Аввалроқ, Ўзбекистонда энергетик ичимликларнинг рекламасига нисбатан айрим тақиқлар ўрнатилаётгани ҳақида хабар берган эдик.
 
Ўзбекистон Республикаси Олий Мажлиси Сенатининг ўн еттинчи ялпи мажлисида “Ўзбекистон Республикасининг айрим қонун ҳужжатларига жамоат тартибини таъминлаш механизмларини такомиллаштиришга қаратилган ўзгартиш ва қўшимчалар киритиш тўғрисида”ги Қонун маъқулланди.
 
Қонунга мувофиқ мамлакатда энергетик ичимликларни ўн саккиз ёшга тўлмаган шахсларга сотиш маъмурий жавобгарликка сабаб бўлиши белгиланди.
 
Бунда қонунчиликка таркибида 150 мг/лдан ортиқ миқдорда кофеин ва (ёки) инсон организмига тонусни ўзгартирувчи таъсир кўрсатиш учун етарли миқдордаги бошқа компонентлар мавжуд бўлган ичимликлар  энергетик ичимликлар ҳисобланиши ҳақида қўшимча ҳам киритилди.
 
“Реклама тўғрисида”ги Қонун ҳам энергетик ичимликлар рекламасига қўйиладиган талаблар билан тўлдирилди.
 
Хусусан, бу каби маҳсулот рекламасида бундай ичимликларни ҳаддан зиёд истеъмол қилишнинг зарари тўғрисидаги огоҳлантириш, шунингдек бундай ичимликларни истеъмол қилиш тавсия этилмайдиган шахслар ҳақидаги ахборот мавжуд бўлиши керак.
 
Эслатиб ўтамиз, Қонун кучга кириши учун Президент томонидан имзоланиши ва белгиланган тартибда расман эълон қилиниши лозим.

Теглар:Энергетик ичимликлар 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар