Lacetti уриб юборган талаба қизларнинг аҳволи маълум бўлди

Аввалроқ, Самарқанд шаҳрида Lacetti ҳайдовчиси йўлни пиёдалар ўтиш жойидан кесиб ўтаётган уч нафар талаба қиз – У.Х., У.И. ва У.О.ни уриб юборгани ҳақида хабар берган эдик.
 
Маълумотларга кўра, жабрланган қизлар опа-сингиллар бўлган. Айни вақтда У.Х. ва У.И. ҳушига келган. Уларнинг ҳолати нормаллашган. У.О. бўлса, ҳамон ҳушсиз. Шифокорлар унинг ҳаёти учун курашяпти. У.О.нинг аҳволи оғир экани айтиляпти.
 
Мазкур ҳолат юзасидан Ўзбекистон Республикаси Жиноят кодексининг 266-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.