Президент фармони ижросини таъминлаш мақсадида меҳмонхоналар меҳмонларни янги дастур ёрдамида рўйхатга олади.
Ўзбекистон Республикаси Президентининг 2016 йил 2 декабрь кунидаги “Ўзбекистон Республикасининг туризм соҳасини ривожлантиришни таъминлаш чора тадбирлари тўғрисида”ги Фармони талабларининг ижроси юзасидан, Тошкентда Тошкент шаҳар Ички ишлар Бош бошқармаси Миграция ва фуқароликни расмийлаштириш бошқармаси, Ўзбекистон Республикаси Туризмни ривожлантириш қўмитаси, Тошкентда жойлашган барча меҳмонхона раҳбарлари ва бошқа ташкилотларнинг мутасадди ходимлари иштирокида йиғилиш бўлиб ўтди. Бу ҳақда Тошкент шаҳар ИИББ Матбуот хизмати хабар берди.
Хабарда айтилишича, йиғилишда 2 октябрь куни Ўзбекистон Республикаси Президенти ҳузурида туризмни янада ривожлантириш масалалари муҳокама қилинганлиги таъкидланиб, республикадаги меҳмонхоналарга жойлашаётган хорижий, фуқаролиги йўқ ва Ўзбекистон фуқароларини электрон ҳисобини юритиш масаласи кўрилди. Меҳмонлар рўйхати “E-Mehmonxona” автоматлаштирилган дастурига киритилиши, бу эса ортиқча оворагарчилик ва қоғозбозликдан воз кечишнинг самарали усули экани таъкидланди.
Йиғилишда рўйхатга олиш китоблари, ҳисоботлар ва бошқа шу турдаги маълумотларни бекор қилиш вазифаси белгиланди.
Маълумот учун, “E-Mehmonxona” электрон дастури Тошкент шаҳар Ички ишлар Бош бошқармасининг ташаббуси ҳамда Ўзбекистон Республикаси Ички ишлар вазирлиги, Ўзбекистон Республикасида Туризмни ривожлантириш қўмитаси ҳамкорлигида яратилган.
Хабарда айтилишича, йиғилишда 2 октябрь куни Ўзбекистон Республикаси Президенти ҳузурида туризмни янада ривожлантириш масалалари муҳокама қилинганлиги таъкидланиб, республикадаги меҳмонхоналарга жойлашаётган хорижий, фуқаролиги йўқ ва Ўзбекистон фуқароларини электрон ҳисобини юритиш масаласи кўрилди. Меҳмонлар рўйхати “E-Mehmonxona” автоматлаштирилган дастурига киритилиши, бу эса ортиқча оворагарчилик ва қоғозбозликдан воз кечишнинг самарали усули экани таъкидланди.
Йиғилишда рўйхатга олиш китоблари, ҳисоботлар ва бошқа шу турдаги маълумотларни бекор қилиш вазифаси белгиланди.
Маълумот учун, “E-Mehmonxona” электрон дастури Тошкент шаҳар Ички ишлар Бош бошқармасининг ташаббуси ҳамда Ўзбекистон Республикаси Ички ишлар вазирлиги, Ўзбекистон Республикасида Туризмни ривожлантириш қўмитаси ҳамкорлигида яратилган.
Зоҳиршоҳ Жўраев
