ИИББ Тошкентда қилич кўтарган безорилар ҳақида маълумот берди

Аввалроқ, “Qalampir.uz”нинг ижтимоий тармоқлардаги саҳифаси орқали тарқатилган Тошкентда рўй берган яна бир безорилик тасвирланган видео юзасидан Тошкент шаҳар Ички ишлар бош бошқармаси суриштирув ишларини бошлагани ҳақида хабар берган эдик.
 
ИИББ ушбу иш юзасидан навбатдаги маълумотларни эълон қилди.
 
Ҳозирга келиб ҳодисанинг барча иштирокчилари шахси аниқланган. Айримлари ушланди ва ҳозирда воқеа юзасидан кўрсатма бермоқда.         
 
Терговга қадар олиб борилаётган текширув ишлари натижасига кўра,  жиноят иши қўзғатиш масаласига ойдинлик киритилади.