Банкомат ва инфокиосклар кўпаяди, “виртуал банк” хизмати кенгайтирилади

Миллий банклараро процессинг марказини ишга тушириш режалаштирилган.

• давлат маблағлари ҳисобидан имтиёзли банк кредитлари ажратиш амалиётини тубдан такомиллаштириш;

• кредит фоизини қисман компенсация қилиш имтиёзини иқтисодиётнинг етакчи тармоқларига бериш амалиётини жорий этиш;

• банк тизимига хусусий ва хорижий капитал кириб келиши учун қулай муҳит яратиш, банклардаги давлат улушини босқичма-босқич камайтириш;

• харажати нисбатан кам бўлган электрон рақамли технологияларга асосланган молиявий хизматларни жорий қилишни рағбатлантириш механизмини яратиш;

• инсон аралашувисиз кредитлаш, ҳужжатларни, шу жумладан барча турдаги аризаларни электрон тақдим қилиш механизмини жорий этиш;

• чакана қарз олувчиларнинг кредитга лаёқатлилик даражасини баҳолаш ҳамда уларга кредит ажратиш муддатини қисқартириш учун автоматлаштирилган “скоринг” моделини яратиш ва рақамли технологиялар асосида кредитлашга ўтиш;

• республика ҳудудларида банкоматлар ва инфокиосклар сонини камида 10 мингтага ошириш;

• тижорат банкларида мижозларнинг кредит сўровномасини ўрганиш жараёнини янада соддалаштириш, жумладан “кредит тарихи”дан фойдаланиш механизмини кенг жорий қилиш ва кредит тарихи институтини хусусий сектор томонидан ташкил қилиниши;

• рақамли технологияларга асосланган “виртуал банк” ва молиявий хизмат турларини янада кенгайтириш;

• замонавий банк хизматлари кўламини янги молиявий инструментлар жорий этиш, хусусан облигациялар чиқариш орқали янада кенгайтириш;

• Миллий банклараро процессинг марказини ишга тушириш;

• банк тизимига юқори малакали, чет эл банкларида фаолият юритган ёш кадрларни жалб қилиш;

• миллий тўлов тизимини халқаро тўлов тизимлари (Visa, Master Card ва бошқалар) билан интеграциялаш назарда тутилади.