...
МЕНЮ
ONLINE TV

Вазирлар Маҳкамаси қарори билан уруғлик пахта етиштириш тартиби белгиланди


18:11, 04.01.2019 Жамият
 2 823

Уруғлик пахта етиштиришни молиялаштириш пахта қийматининг 60 фоизигача Жамғарма маблағлари ҳисобидан амалга оширилади.

Ўзбекистон Республикаси Вазирлар Маҳкамаси қарори билан “Республика ҳудудларида пахта-тўқимачилик ишлаб чиқаришлари ва кластерлари ташкилотчиларига берилган майдонларда уруғлик пахта хомашёсини етиштиришни молиялаштириш тартиби тўғрисида”ги низом тасдиқланди. Бу ҳақда Адлия вазирлигининг “Ҳуқуқий ахборот” каналида маълум қилинди.
 
Низомга мувофиқ, пахта-тўқимачилик ишлаб чиқаришлари ва кластерлари ташкилотчиларига берилган майдонларда уруғлик пахта хомашёсини етиштиришни молиялаштириш Қишлоқ хўжалигини давлат томонидан қўллаб-қувватлаш жамғармаси маблағлари, тижорат банклари кредитлари ва ўз маблағлари ҳисобига амалга оширилади.
 
Шунингдек, низомга кўра уруғлик пахта экиладиган майдон ҳажми, пахта етиштиришнинг прогноз ҳажмлари ва ғўза навлари бўйича жойлаштириш масалалари ҳар йили 1 ноябрга қадар Ҳукумат қарорида белгиланади.  
 
Уруғлик пахта етиштиришни молиялаштириш пахта қийматининг 60 фоизигача Жамғарма маблағлари ҳисобидан амалга оширилади.
 
Бундан ташқари, мазкур ҳужжат билан тайёрланган уруғлик пахта хомашёсига устамалар тўлаш тартиби белгиланди.
 
Пахта-тўқимачилик ишлаб чиқаришлари ва кластерлари ташкилотчилари ўз эҳтиёжлари учун ғўзанинг хорижий нав ва дурагай уруғларини белгиланган тартибда олиб келиши ва етиштириши мумкин.
Суннатилла Абдуллаев

Теглар:Вазирлар Маҳкамаси қарори Уруғлик пахта 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар