Тошкентда фуқаролар ва меҳмонларга хизмат кўрсатувчи “махсус патруль” гуруҳлари ташкил этилди

Тошкент шаҳар ИИББ томонидан Тошкент шаҳар фуқаролари ва меҳмонларига хизмат кўрсатиш мақсадида, “махсус патруль” гуруҳлари ташкил этилди. Бу ҳақда Тошкент шаҳар Ички ишлар бош бошқармасининг расмий сайти хабар бермоқда.











Ушбу гуруҳлар замонавий кийим-кечак, махсус анжом ва техника воситалар билан таъминланган.
 
“Махсус патруль” гуруҳлари томонидан пойтахт фуқаролари ҳамда чет элдан келган меҳмонларга сифатли хизмат кўрсатиш мақсадида, “Тошкент вокзали”, “Ислом Каримов Халқаро Аэропорти” ва “Мустақиллик майдони”объектларида хизмат олиб боришлари йўлга қўйилди.










 
Замонавий уяли телефон воситасига юкланган “Транслейтер” дастурий тизими ёрдамида, меҳмонлар билан чет тилларда овозли таржима орқали мулоқот қилиш ҳамда “Навигатор” дастурий тизимидан фойдаланган холда пойтахтимизнинг турли манзиллари ва жойлари юзасидан электрон харита орқали маълумотлар тақдим этиб ёрдам кўрсатиш имкониятлари яратилди.








 
Пойтахт Ички ишлар органлари фаолиятида замонавий технологияларни жорий этиш ишлари давом эттирилмоқда.