Абдулла Арипов банк мутасаддиларига кредит етказиб беришда юзага келаётган камчиликларни бартараф этиш ҳақида кўрсатма берди.
Кеча, 9 июнь куни Тошкент шаҳар ҳокимлигида Ўзбекистон Республикаси Бош вазири Абдулла Арипов иштирокида йиғилиш бўлиб ўтди.
Йиғилишда Тошкент шаҳар ҳокимлигининг мутасадди раҳбарлари, туман ҳокимлари, прокурорлар, ички ишлар бошқармаси болиқлари, Тошкентда фаолият юритаётган банк тизими мутасаддилари иштирок этдилар.
Танқидий руҳда олиб борилган йиғилишда кенг кўламли қурилиш, ободонлаштириш ва кўкаламзорлаштириш ишлари, ҳусусан, кўп қаватли уйларнинг коммунал ҳизматларидаги камчиликларни ҳали ҳам бартараф этилмагани айтиб ўтилди.
Бундан ташқари, Тошкент шаҳрида 2018-2019 йилги куз-қиш мавсумига тайёргарлик кўришда ширкатларнинг фаоллиги йўқлиги, улар бугунги иссиқ кунлардан фойдаланмай, вақтни ўтказаётгани, ширкатнинг ўзида маъсулиятли раҳбарнинг ва ҳисобчиларнинг етишмаслиги, банклардан олинган кредит маблағларини ўз вақтида қайтаришга салбий таъсир ўтказилиши хақида сўз юритилди.
Туман ҳокимлари банклар томонидан кредит маблағларини етказилишида сусткашликка йўл қўйилаётганлиги ҳақида гапирилди. Абдулла Арипов банк мутасаддиларига бир ҳафта ичида ушбу камчиликларни бартараф этиш ҳақида кўрсатма берди.
Уй-жой фонди, коммунал хизмат кўрсатиш ва ижтимоий соҳа объектларини навбатдаги иситиш мавсумига тайёрлаш, куз-қиш мавсумида барқарор ишлашни таъминлашга қаратилган чора-тадбирларни амалга ошириш, ҳудудларнинг санитария – тозалик ҳолатини яхшилаш борасида олиб борилаётган ишлар кўламини янада жадаллаштириш ҳақида вазифалар юклатилди.
Банклар таъминотидан ширкат хўжаликларига ажратиладиган кредитлар, уларнинг ўз вақтида амалга оширилиши билан боғлик жараёнлар қисқа фурсатларда бажарилиши лозим. Акс ҳолда куз-қиш мавсумига тайёргарлик жараёни ортга чўзилиши, бунинг оқибатида таъмирталаб иншоотлар ва тармоқларда жиддий муаммолар келиб чиқиши мумкин.
Жорий йил Тошкент шаҳрида 577 та уйларнинг том қисми, 310 та подъезд, 412 та лифт таъмирланиши, 242 та болалар майдончаси қурилиб, фойдаланишга топшириш кераклиги, йўлаклар асфалтланиши керак эди. Ҳозирги қадар ушбу амалий ишлар 30 фоизга бажарилганлигини Тошкент шаҳар ҳокими биринчи ўринбосари Н.Маҳсумов тасдиқлади. Ушбу вазият эса Бош вазир томонидан танқид остига олинди ва қониқарсиз дея баҳоланди. Келгусида бажарилиши лозим бўлган вазифалар ва уларни ижросини таъминлашда амалга оширилиши керак бўлган ҳар қандай масалага раҳбарлар масъулият билан ёндашиши таъкидланди.
Йиғилишда ширкатларда ўз вазифасини масъулият билан бажарадиган раис ва ҳисобчиларни қўйиш лозимлиги ҳамда диспетчерлик хизматининг йил давомида ўз фаолиятини олиб бориши ҳақида таклифлар киритилди.
“Авваламбор белгиланган ишларнинг сифатли бажарилишига, бевосита ижрочиларнинг ва тегишли корхона ва ташкилот раҳбарларининг маъсулиятини оширишга катта аҳамият беришимиз лозим. Ҳадемай, куз-қиш мавсумини қарши оламиз. Уй-жой фонди, коммунал ва ижтимоий соҳа объектларида куз-қиш мавсумига тайёрлаш қанчалик муҳим эканлигини инобатга олиб, барчамиз бу масалада маъсулиятимизни тўлиқ ҳис этган ҳолда ўзимизга юклатилган вазифаларни белгиланган муддатларда сўзсиз бажаришимиз зарур. Акс ҳолда халқимиз олдидаги ишончни оқлай олмаймиз”, дея ёзмоқда Тошкент шаҳар ҳокимлигинг Матбуот хизмати.
Йиғилишда Тошкент шаҳар ҳокимлигининг мутасадди раҳбарлари, туман ҳокимлари, прокурорлар, ички ишлар бошқармаси болиқлари, Тошкентда фаолият юритаётган банк тизими мутасаддилари иштирок этдилар.
Танқидий руҳда олиб борилган йиғилишда кенг кўламли қурилиш, ободонлаштириш ва кўкаламзорлаштириш ишлари, ҳусусан, кўп қаватли уйларнинг коммунал ҳизматларидаги камчиликларни ҳали ҳам бартараф этилмагани айтиб ўтилди.
Бундан ташқари, Тошкент шаҳрида 2018-2019 йилги куз-қиш мавсумига тайёргарлик кўришда ширкатларнинг фаоллиги йўқлиги, улар бугунги иссиқ кунлардан фойдаланмай, вақтни ўтказаётгани, ширкатнинг ўзида маъсулиятли раҳбарнинг ва ҳисобчиларнинг етишмаслиги, банклардан олинган кредит маблағларини ўз вақтида қайтаришга салбий таъсир ўтказилиши хақида сўз юритилди.
Туман ҳокимлари банклар томонидан кредит маблағларини етказилишида сусткашликка йўл қўйилаётганлиги ҳақида гапирилди. Абдулла Арипов банк мутасаддиларига бир ҳафта ичида ушбу камчиликларни бартараф этиш ҳақида кўрсатма берди.
Уй-жой фонди, коммунал хизмат кўрсатиш ва ижтимоий соҳа объектларини навбатдаги иситиш мавсумига тайёрлаш, куз-қиш мавсумида барқарор ишлашни таъминлашга қаратилган чора-тадбирларни амалга ошириш, ҳудудларнинг санитария – тозалик ҳолатини яхшилаш борасида олиб борилаётган ишлар кўламини янада жадаллаштириш ҳақида вазифалар юклатилди.
Банклар таъминотидан ширкат хўжаликларига ажратиладиган кредитлар, уларнинг ўз вақтида амалга оширилиши билан боғлик жараёнлар қисқа фурсатларда бажарилиши лозим. Акс ҳолда куз-қиш мавсумига тайёргарлик жараёни ортга чўзилиши, бунинг оқибатида таъмирталаб иншоотлар ва тармоқларда жиддий муаммолар келиб чиқиши мумкин.
Жорий йил Тошкент шаҳрида 577 та уйларнинг том қисми, 310 та подъезд, 412 та лифт таъмирланиши, 242 та болалар майдончаси қурилиб, фойдаланишга топшириш кераклиги, йўлаклар асфалтланиши керак эди. Ҳозирги қадар ушбу амалий ишлар 30 фоизга бажарилганлигини Тошкент шаҳар ҳокими биринчи ўринбосари Н.Маҳсумов тасдиқлади. Ушбу вазият эса Бош вазир томонидан танқид остига олинди ва қониқарсиз дея баҳоланди. Келгусида бажарилиши лозим бўлган вазифалар ва уларни ижросини таъминлашда амалга оширилиши керак бўлган ҳар қандай масалага раҳбарлар масъулият билан ёндашиши таъкидланди.
Йиғилишда ширкатларда ўз вазифасини масъулият билан бажарадиган раис ва ҳисобчиларни қўйиш лозимлиги ҳамда диспетчерлик хизматининг йил давомида ўз фаолиятини олиб бориши ҳақида таклифлар киритилди.
“Авваламбор белгиланган ишларнинг сифатли бажарилишига, бевосита ижрочиларнинг ва тегишли корхона ва ташкилот раҳбарларининг маъсулиятини оширишга катта аҳамият беришимиз лозим. Ҳадемай, куз-қиш мавсумини қарши оламиз. Уй-жой фонди, коммунал ва ижтимоий соҳа объектларида куз-қиш мавсумига тайёрлаш қанчалик муҳим эканлигини инобатга олиб, барчамиз бу масалада маъсулиятимизни тўлиқ ҳис этган ҳолда ўзимизга юклатилган вазифаларни белгиланган муддатларда сўзсиз бажаришимиз зарур. Акс ҳолда халқимиз олдидаги ишончни оқлай олмаймиз”, дея ёзмоқда Тошкент шаҳар ҳокимлигинг Матбуот хизмати.
Акмалхон Эшонхонов
