...
МЕНЮ
ONLINE TV

Солиқ низолари судга бормасдан ҳал бўлади


17:08, 10.10.2018 Жамият
 2 637

Кенгаш солиқ тўловчи ва давлат солиқ хизмати органлари ўртасидаги можароларни кўриб чиқади.

Ўзбекистон Республикаси Вазирлар Маҳкамаси қарори билан Молия вазирлиги ҳузуридаги Солиқ тўловчилар ва давлат солиқ хизмати органлари ўртасидаги солиқ низоларини судгача ҳал қилиш кенгаши ўз фаолиятини бошлади.
 
Қарорга мувофиқ, мазкур Кенгаш солиқ низоларини кўриб чиқади. Бу ҳақда Адлия вазирлигинигн Telegram’даги “Ҳуқуқий ахборот” каналида маълум қилинди.
 
Бироқ қўзғатилган жиноят ишлари доирасида ўтказилаётган солиқ текширувлари бўйича, солиқ тўловчи давлат солиқ хизмати органлари қарорлари, уларнинг мансабдор шахслари ҳаракати ёки ҳаракатсизлиги устидан судга шикоят қилган ҳолларда Кенгаш солиқ низоларини кўриб чиқмайди.
 
Бундан ташқари, қарор билан Молия вазирлиги тузилмасида вазирлик ходимларининг штатда белгиланган сони доирасида бошқарув ходимларининг икки штат бирлигидан иборат Кенгаш Котибияти ташкил этилди.
 
Кенгаш Котибияти ариза берувчиларнинг мурожаатларини қабул қилади ва рўйхатдан ўтказади, шунингдек Кенгаш фаолиятини ташкилий-техник жиҳатдан таъминлайди.
Суннатилла Абдуллаев

Теглар:Вазирлар Маҳкамаси қарори Солиқ 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар