Самарқандда Nexia ҳайдовчиси инспекторни уриб юборди

Самарқанд шаҳридаги Гўрўғли кўчасида жойлашган постда навбатчилик қилаётган пост-патрул хизмати инспекторини машина уриб юборди. Бу ҳақда “Самаркандский вестник” газетасининг Facebook`даги саҳифасида хабар берилди.
 
Катта тезлик билан ҳаракатланиб келаётган Nexia ҳайдовчиси инспекторнинг тўхтатиш ишорасига қарамай, кичик сержант Шерзод Мустафоевни уриб юборган.
 
ЙҲХББ инспектори бош мия чайқалиши, пешона ёрилиши каби ташхислар билан шифохонага ётқизилган.
 
Ҳозирда ҳайдовчига нисбатан қамоқ чораси қўлланилган. Тергов-суриштирув ишлари олиб борилмоқда.