27 декабрь куни Дубайда бўлиб ўтган анъанавий Globe Soccer Awards тақдимот маросимида Равшан Эрматовга "Йилнинг энг яхши ҳаками" мукофоти топширилди.
Ўзбекистон ифтихори, “Эл-юрт ҳурмати” ордени соҳиби, FIFA ҳаками Равшан Эрматов 27 декабрь куни БААнинг Дубай шаҳрида бўлиб ўтган Globe Soccer Awards тақдимот маросимида “Йилнинг энг яхши ҳаками” мукофотига лойиқ деб топилди. Бу ҳақда мукофотнинг расмий сайти орқали хабар берилди. Мазкур мукофотга Равшан Эрматовдан ташқари дунёнинг таниқли реферилари – Жунейт Чақир, Вильмар Рольдан, Хоэль Агиляр, Бакари Папа Гассама, Норберт Хауата ҳам даъвогарлик қилганди. Шунингдек, бу йилги тақдирлаш маросимида қуйидаги номзодлар "йилнинг энг яхши"лари деб топилди.
“Йилинг энг яхши жамоас” – “Барселона”
“Йилнинг энг яхши клуб президенти” – Хосеп Мария Бартомеу ("Барселона")
“Йилнинг энг яхши медиа тарғиботи” – “Барселона”
"Форс кўрфазидаги йилнинг энг яхши футболчиси" – Ёсир Ал-Шаҳрони (Саудия Арибистони)
"Йилнинг энг яхши академияси" – "Бенфика"
"Йилнинг энг яхши мураббий" – Марк Вильмотс
"Йилнинг энг яхши футбол агенти" – Жорже Мендеш
"Йилнинг энг яхши футболчиси" – Лиональ Месси ("Барселона")
"Энг яхши фаолият учун" – Андрео Пирло
"Энг яхши фаолият учун" – Фрэнк Лэмпард
Қамариддин Шайхов
