Актёр 2015 йилнинг 6 май санасида ҳибсга олинган эди.
Болливуд “юлдуз”и, таниқли киноактёр Салмон Хон 27 декабрь куни 50 ёшни қарши олди. Актёр таваллуд айёмини дўстлари, оила аъзолари ва кино оламининг таниқли вакиллари билан қарши олди. Маълумотларга қараганда Салмоннинг дўстлари ва кино оламиниг таниқли вакиллари унинг уйига ярим тунда ташриф буюришган.
2002 йилда маст ҳолатда машина бошқараётиб бир одамни уриб юборган актёр 2015 йилнинг 6 май санасида ҳибсга олинади. Июл ойида аппеляция суди жиноий ишни қайта кўриб чиққач Салмон Хон озодликка чиқади.
Эслатиб ўтамиз, 1965 йилнинг 27 декабрида туғилган актёр шу бугунга қадар 90 та фильмда суратга тушган. 20 га яқин мукофот билан тақдирланган.
