...
МЕНЮ
ONLINE TV

Пашинян ниятига етди. Арманистон Парламенти тарқатиб юборилди


15:49, 02.11.2018 Олам
 2 419

Ҳужжат Президентнинг расмий сайтида эълон қилинган.

Аввалроқ, Арманистон Миллий мажлиси – Парламенти иккинчи уринишда ҳам мамлакат Бош вазирини сайлай олмагани ҳақида хабар берган эдик.
 
Парламентнинг ҳар икки уриниши ҳам самарасиз бўлгач, Миллий мажлис тарқатиб юборилиб, навбатдан ташқари сайлов ўтказилиши керак.
 
Кеча, 1 ноябрь куни Арманистон Президенти Армен Саркисян Парламентни тарқатиб юбориш ва Миллий мажлисга навбатдан ташқари сайловларни шу йилнинг 9 декабрь куни ўтказишни кўзда тутувчи фармонни имзолади.


 
Ҳужжат Президентнинг расмий сайтида эълон қилинган. Президентнинг матбуот хизмати маълум қилишича, фармон конституциянинг 149-моддасига кўра чиқарилган.
 
Маълумот учун, 16 октябрь куни Никол Пашинян Арманистон Бош вазирлигидан истеъфо берганди. У Парламентни тарқатиб юбориб, янги сайлов ўтказишга эришиш учун шундай қилганини айтганди.
Суннатилла Абдуллаев

Теглар:Арманистон Никол Пашинян Армен Саркисян 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!