Ўзбекистонлик олимлар оқимли насос ихтиро қилишди

Тошкент ирригасия ва мелиорация институти ходимлари қаторида мутахассислар Ойбек Орифжанов, Дилбар Абдураимова ҳамда Мақсуд Отахоновлар оқимли насосни ихтиро қилишди. Бу ҳақда Ўзбекистон Республикаси  Интеллектуал мулк агентлиги хабар бермоқда.
 
Мазкур фойдали модель оқимли техника, дренаж сувларини тортиб олиш, қудуқлардан фильтрацион сувларни чиқариб олишдаги қурилмалар учун мўлжалланган. Оқимли насос турли режимларда, насоснинг ишончли ишлашини таъминлаш ва фойдали иш коэффициентини ошириш имконини беради.