...
МЕНЮ
ONLINE TV

Ўзбекистонлик боксчилар дунёда 11-ўринда


15:26, 28.11.2016 Спорт
 3 291

Мусобақада дунёнинг 75 та мамлакатидан 400 дан зиёд ёш боксчилар ғолиблик учун кураш олиб борди.

17-26 ноябрь кунлари Россиянинг Санкт-Петербург шаҳрида бокс бўйича ёшлар ўртасида V Жаҳон чемпионати ўтказилди. Чемпионатда Ўзбекистон ёшлар терма жамоаси ҳам иштирок этди. Бу ҳақда Ўзбекистон Республикаси Бокс федерацияси Матбуот хизмати хабар қилди.
 
“Сибур Арена” мажмуасида ташкил этилган 10 та вазн тоифасидаги мусобақада дунёнинг 75 та мамлакатидан 400 дан зиёд ёш боксчилар ғолиблик учун кураш олиб боришди.
 
Ўзбекистон терма жамоаси умумий ҳисобда 11-ўриндан жой олди. 60 кг вазн тоифасида рингга чиққан ҳамюртимиз Билолбек Мирзараҳимов америкалик рақибига 4:1 ҳисобда ютқазди ва кумуш медалга сазовор бўлди.
 
52 кг вазн тоифасида майдонга тушган Отабек Холматов, 56 кг вазнда Шунқор Абдурасулов, 91 кг вазнда Шоҳруз Раҳимов мусобақанинг бронза медалини қўлга киритишди.
 
Чемпионатда Куба боксчилари биринчи ўринни эгаллаган бўлса, АҚШ ва Қозоғистон спортчилари кучли учликдан жой олди.
 
26 ноябрь куни якунига етган чемпионатда иштирок этган терма жамоасмиз аъзолари бугун, 28 ноябрь куни тонгда Ўзбекистонга қайтиб келди.
Дурдона Расулова

Теглар:Ўзбекистон терма жамоаси Бокс 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!