Стационар бошқарув пунктлари ташкил этилди ва унда амалий ишлар бошлаб юборилди, ҳарбий округларнинг мобил бошқарув пунктлари ўз ишини бошлади.
Кеча, 26 ноябрь куни Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёевнинг тегишли фармойишига мувофиқ, Мудофаа вазирлиги қўшинлари ўқув тревогаси бўйича кўтарилгани ҳақида хабар берган эдик.
Ушбу ўқув машғулоти 30 ноябрга қадар, беш кун давомида ўтказилади. Унда Мудофаа вазирлигининг барча қўшинлари қатнашмоқда. Вазирлик “тревога”нинг биринчи куни бўйича маълумот берди.
Қўққисдан текширувнинг асосий мақсади — жорий йил давомида Мудофаа вазирлиги қўшинлари ва бошқарув органларида амалга оширилган ишларни баҳолаш ҳамда таҳлил қилишдан иборат. Қўшинлар қўлланилиши бўйича тегишли вазифаларни белгиланган муддат ичида бажаришлари, яъни ҳарбий хизматчиларнинг ўқув-жанговар топшириқларни амалга ошириши ва ностандарт қарорларни қабул қилишга тайёр эканликларини кўрсатишлари лозим.
Бунга қадар ҳарбий хизматчиларнинг жанговар шайлиги фақатгина ҳарбий округлар миқёсида текширилган. Бу каби кенг кўламли қўққисдан текширувлар Ўзбекистон армиясида аввал ўтказилмаган.
Мудофаа вазирлиги марказий аппаратида Ўзбекистон Республикаси Қуролли Кучлари Бош штаби бошлиғи томонидан вазифалар белгилаб берилди ва ҳарбий округ қўмондонликларига етказилди. Шундан сўнг, стационар бошқарув пунктлари ташкил этилди ва унда амалий ишлар бошлаб юборилди, ҳарбий округларнинг мобил бошқарув пунктлари ўз ишини бошлади.
Бунда асосий эътибор қўшинларни барқарор ва узликсиз бошқаришни ташкил этиш ҳамда қўллаб-қувватлашга қаратилган. Текширувнинг ушбу босқичида хавфсизлик қоидаларига, ҳарбий техника ва қуролларнинг созлигига қатъий риоя қилинди.
Қўққисдан текширув давомида қўшинлар ҳаракати устидан назорат ва таҳлилни махсус тузилган Ҳукуматлараро ишчи комиссияси олиб бормоқда.
Сигнал қўққисдан берилган бўлса-да, қўшинларни шошириб қўймади. Ўқув йили давомида қўққисдан бўладиган тадбирлар бўйича ўтказилган машғулотлар ҳарбий хизматчиларда энг масъулиятли вазиятларда жанговар шай ҳолатга тайёр туришини таъминлади.
Кеча Ўзбекистон Мудофаа вазирлиги қўшинлари авто ҳамда зирҳли техника воситалари таркибида белгиланган ҳудудларга колонна шаклида маршни амалга оширди. Ҳарбийларнинг маънавий ва психологик ҳолати барқарор, шахсий таркиб кейинги вазифаларни бажаришга тайёр турибди.
Ушбу ўқув машғулоти 30 ноябрга қадар, беш кун давомида ўтказилади. Унда Мудофаа вазирлигининг барча қўшинлари қатнашмоқда. Вазирлик “тревога”нинг биринчи куни бўйича маълумот берди.
Қўққисдан текширувнинг асосий мақсади — жорий йил давомида Мудофаа вазирлиги қўшинлари ва бошқарув органларида амалга оширилган ишларни баҳолаш ҳамда таҳлил қилишдан иборат. Қўшинлар қўлланилиши бўйича тегишли вазифаларни белгиланган муддат ичида бажаришлари, яъни ҳарбий хизматчиларнинг ўқув-жанговар топшириқларни амалга ошириши ва ностандарт қарорларни қабул қилишга тайёр эканликларини кўрсатишлари лозим.
Бунга қадар ҳарбий хизматчиларнинг жанговар шайлиги фақатгина ҳарбий округлар миқёсида текширилган. Бу каби кенг кўламли қўққисдан текширувлар Ўзбекистон армиясида аввал ўтказилмаган.
Мудофаа вазирлиги марказий аппаратида Ўзбекистон Республикаси Қуролли Кучлари Бош штаби бошлиғи томонидан вазифалар белгилаб берилди ва ҳарбий округ қўмондонликларига етказилди. Шундан сўнг, стационар бошқарув пунктлари ташкил этилди ва унда амалий ишлар бошлаб юборилди, ҳарбий округларнинг мобил бошқарув пунктлари ўз ишини бошлади.
Бунда асосий эътибор қўшинларни барқарор ва узликсиз бошқаришни ташкил этиш ҳамда қўллаб-қувватлашга қаратилган. Текширувнинг ушбу босқичида хавфсизлик қоидаларига, ҳарбий техника ва қуролларнинг созлигига қатъий риоя қилинди.
Қўққисдан текширув давомида қўшинлар ҳаракати устидан назорат ва таҳлилни махсус тузилган Ҳукуматлараро ишчи комиссияси олиб бормоқда.
Сигнал қўққисдан берилган бўлса-да, қўшинларни шошириб қўймади. Ўқув йили давомида қўққисдан бўладиган тадбирлар бўйича ўтказилган машғулотлар ҳарбий хизматчиларда энг масъулиятли вазиятларда жанговар шай ҳолатга тайёр туришини таъминлади.
Кеча Ўзбекистон Мудофаа вазирлиги қўшинлари авто ҳамда зирҳли техника воситалари таркибида белгиланган ҳудудларга колонна шаклида маршни амалга оширди. Ҳарбийларнинг маънавий ва психологик ҳолати барқарор, шахсий таркиб кейинги вазифаларни бажаришга тайёр турибди.
