Ўзбекистон бозорларида нарх-навода ўзгаришлар борми?

Ўзбекистон истеъмолчилар ҳуқуқларини ҳимоя қилиш жамиятлари федерацияси мамлакат бозорларидаги нарх-наволарни ўрганиб, натижаларни эълон қилди. бу ҳақда ЎзА хабар бермоқда.
 
Мамлакат бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2018 йил 28 октябрь ҳолатидаги нархлари қуйидагича:
 

Мол гўшти
26 000 сўмдан 46 000 сўмгача

 
Кузатишлар мамлакат бозорларида мол гўштининг бироз қимматлашганини кўрсатмоқда. Масалан, ўтган ҳафталарда 1 кг мол гўшти 26000 сўмдан 42000 сўмгача бўлган нархларда сотилаётган эди. Айни пайтда 1 кг мол гўштини 26000 сўмдан 46000 сўмгача нархларда учратиш мумкин.
 
Энг арзон нархлар Қорақалпоғистон Республикаси Нукус шаҳар Марказий деҳқон бозорида кузатилди. Бу ҳафтада 1 кг мол гўштининг нархи 26000 сўмдан 41000 сўмгача сотилмоқда.
 
Энг қиммат нарх Миробод деҳқон бозори (Тошкент шаҳри)да – 1 кг мол гўшти 30000-46000 сўм.
 

Қўй гўшти
28 000 сўмдан 46 000 сўмгача

 
Энг арзон нарх “Фарҳод” бозори (Тошкент шаҳри)да – 1 кг қўй гўшти нархи 28000-38000 сўм.
 
Энг қиммат нарх “Миробод деҳқон бозори” (Тошкент шаҳри)да – 1 кг қўй гўшти 30000-46000 сўм.
 

Товуқ гўшти
12 000 сўмдан 20 000 сўмгача

 
Энг қиммат нарх Нукус шаҳар Марказий деҳқон бозорида – 17000-20000 сўм
 
Энг арзон нарх Наманган шаҳри “Сардоба” деҳқон бозорида – 12000-14000 сўм
 
Пойтахт бозорларида 1 кг товуқ гўшти 17000-20000 сўмдан истеъмолчиларга етказиб берилмоқда.
 

Гуруч
3 500 сўмдан 12 000 сўмгача

 
Олдинги ҳафталардаги нарх-наволар солиштирилганида мамлакат бозорларида гуруч нархи бироз арзонлашган.
 
Республика бозорларида гуручни ўртача нархда 4000-8000 сўмгача учратиш мумкин.
 
Энг қиммат нарх Гулистон шаҳри (Сирдарё) Марказий деҳқон бозорида – 7000-12000 сўм
 
Энг арзон нарх “Фарҳод деҳқон бозори” (Тошкент шаҳри) – 3500-10000 сўм.
 

Ўсимлик ёғи
8 500 сўмдан 12 500 сўмгача

 
Мамлакат бозорларида 1 кг ўсимлик ёғи 8500 минг сўмдан 12500 сўмгача нархларда сотилмоқда.
 
Энг арзон нархлар Термиз шаҳар Марказий деҳқон бозорида – 8500-9500 сўм.
 
Энг қиммат нархлар “Фарҳод деҳқон бозори” (Тошкент шаҳри) 12500 сўмгача.
 

Ун
1 750 сўмдан 4 600 сўмгача

 
Энг арзон нарх Урганч шаҳар Марказий деҳқон бозорида – 1 кг. 1-навли ун 1750 сўмдан 2100 сўмгача.
 
Энг қиммат нарх Самарқанд шаҳри “Сиёб” бозорида – 3500-4600 сўм.
 

Шакар
4 200 сўмдан 5 500 сўмгача

 
Энг қиммат нарх Жиззах шаҳри Марказий деҳқон бозорида – 4500-5500 сўм.
 
Энг арзон нарх “Қўйлиқ деҳқон бозори” (Тошкент шаҳри)да – 4200 – 4500 сўм.
 

Тухум
450 сўмдан 750 сўмгача

 
Бу ҳафтада Республика бозорларида 1 дона товуқ тухумининг нархи бироз қимматлашгани кузатилди.
 
Энг қиммат нарх Самарқанд шаҳри “Сиёб” бозорида – 650-750 сўмгача.
 
Энг арзон нарх “Қўйлиқ деҳқон бозори”да – 450 сўмдан 650 сўмгача.
 

Картошка
1 200 сўмдан 3 000 сўмгача

 
Энг арзон нарх “Юнусобод деҳқон бозори” (Тошкент шаҳри)да – 1200 сўмдан 2500 сўмгача.
 
Энг қиммат нарх – Республиканинг аксарият бозорларида 1 кг картошка 3000 сўмгача.
 

Помидор
2 000 сўмдан 7 000 сўмгача

 
Энг арзон нарх Нукус шаҳар Марказий деҳқон бозорида – 2000 сўмдан 3000 сўмгача.
 
Энг қиммат нарх “Миробод деҳқон бозори” (Тошкент шаҳри) – 4000-7000 сўм.