Октябрнинг сўнгги кунида республика бўйлаб ёмғир ёғади

Гидрометеорология хизмати маркази берган маълумотга кўра, эртага, 31 октябрь куни мамлакат бўйлаб қуйидагича об-ҳаво кузатилади.
 
Тошкент шаҳри ва Тошкент вилоятида ҳаво ҳарорати кечаси +7...+9, кундузи +11...+13 даража бўлади. Шамол тезлиги 12-17 м/сга етиб ёмғир ёғиши кутилади.
 
Фарғона водийсида ҳаво бироз булутли бўлиб, кечаси +5...+10, кундузи +13...+18 даража бўлиши кутилмоқда. 15-20 м/с тезликда шамол эсади ва ёмғир ёғади.
 
Сирдарё, Жиззах, Самарқанд, Бухоро ва Навоий вилоятларида ҳаво ҳарорати кечаси +5...+10, кундузи +10...+15 даража бўлиб, ёмғир ёғиши кутилади. 15-20 м/с тезликда шамол эсади.



Сурхондарё ва Қашқадарё вилоятларида ҳаво ҳарорати кечаси +7...+12, кундузи +13...+18 даража бўлади. Шамол тезлиги 15-20 м/сга етиб, ҳаво бироз булутли бўлади.
 
Қорақалпоғистон Республикаси ва Хоразм вилоятида ҳаво ҳарорати кечаси +3...+8, кундузи +7...+12 даража бўлади. Шамол тезлиги 15-20 м/сни ташкил этади. Ҳаво булутли бўлиб, ёмғир ёғиши кутилади.
 
Қамчиқ довони ва Чимёнда кечаси -3...+2, кундузи эса +5...+10 даража бўлади. 15-20 м/с тезликда шамол эсади. Қор аралаш ёмғир ёғиши мумкин.