“Миллий спортимиз ҳисобланган курашни қўллаб-қувватлаётганингиз учун Сизга алоҳида раҳмат”, деди Аҳмаджонов Тошкентга келган меҳмонга.
Аввал хабар бериб ўтганимиздек, Осиё Олимпия Кенгаши ва Миллий олимпия қўмиталари халқаро ассоциацияси президенти Шайҳ Аҳмад Ал-Фаҳад Ал-Сабах бугун пойтахтимизга етиб келди.
Меҳмон бугун шунингдек, Ўзбекистон Миллий олимпия қўмитасига ҳам ташриф буюрди. Икки томон иштирокида бўлиб ўтган расмий учрашув давомида мутасаддилар ҳамкорлик ришталарини мустаҳкамлаш, ўзаро муносабатларни янада ривожлантириш, алоқаларини кенгайтириш каби масалаларга тўхталиб ўтишди.
Умид Аҳмаджонов меҳмонни ташриф билан қутлар экан, уни мамлакатимизда кўриб турганидан хурсанд эканлигини таъкидлаб ўтди.
“Аввало сизни Ўзбекистон заминида кўриб турганимиздан бениҳоя хурсандман. Осиё спорти ривожланишида, тараққий этишида сизнинг ҳиссангиз жуда катта. Буни биз жуда яхши биламиз. Биз ўзбек спортига катта режа ва мақсадлар билан кириб келганмиз. Ана шу режаларни амалга оширишда, қолаверса мамлакат спортида ислоҳотларни олиб боришда ёрдамингизга ва қўллаб-қувватлашингизга ишонамиз. Ёнингизда елкама-елка туриб, хизмат қилишга ҳам тайёрмиз.
Миллий спортимиз ҳисобланган курашни қўллаб-қувватлаётганингиз учун Сизга алоҳида раҳмат. Уни Осиё ўйинлари дастурига киритилишида сиз ва Ҳайдар Фармоннинг ҳиссаси катта эканлигини жуда яхши биламиз. Шу билан биргаликда, энди курашни келгуси Олимпия ўйинлари дастурига киритилишида ёрдам берсангиз, бу биз учун бир олам бахт бўлар эди. Бундан жудаям хурсанд бўлардик. Бу борада сизнинг кўмагингизга ишонамиз. Ўзбекистонга хуш келибсиз! Билингки, Ўзбекистон сизнинг иккинчи уйингиздир”, – деди Умид Аҳмаджонов.
Ўз навбатида Шайҳ Аҳмад Ал-Сабах учрашув давомида ўзбек спорти ишончли қўлларда эканлигини айтиб ўтди.
“Сиз билан учрашиб турганимдан хурсандман. Очиғи, мен ҳам ўз уйимга келдим деб ҳисоблайман. Чунки, бу менинг Ўзбекистонга илк ташрифим эмас. Бу ерга келганимда доимо ўзбек халқининг меҳмондўстлиги билан ҳайрон қолдиришади, бундан жуда завқ оламан. Шунинг учун, мен Ўзбекистонни ўзимнинг иккинчи уйим деб бемалол айта оламан. Ўзбек спорти ишончли ва мустаҳкам қўлларда эканлигига ишончим комил. Сизнинг Паралимпия миллий ассоциацияси бошқарувида амалга оширган ишларингизни, ташкилотчилик борасидаги маҳоратингизни жуда яхши биламан. Шу билан биргаликда, Марказий Осиё футбол федерациялари ассоциацияси – CAFA’га раҳбар бўлганингиздан ҳам бениҳоя мамнун бўлдим. Мамлакатингиз спортчиларида салоҳият жуда юқори.
Кураш деганда кўз олдимга доимо Ўзбекистон мамлакати келади. Ҳамкорликда катта ютуқларга эришишимизга ишонаман. Таъкидлаб ўтишни истардимки, сиз ёш ва ғайратлисиз. Ҳали бошқарувчи сифатида ўсишингиз керак. Фақат Ўзбекистон ичида қолмасдан, халқаро спорт ташкилотлари раҳбарлик лавозимларида меҳнат қилиб, келажакда у ердаги фаолиятингиз орқали Ўзбекистон спортига фойда келтирасиз деб ишонаман”, деди Ал-Сабах.
Суҳбат давомида Ал-Сабах Умид Аҳмаджоновни 13-15 май кунлари Швейцариянинг Лозанна шаҳрига таклиф этди.
“Швейцария 52 та халқаро спорт ташкилотларининг бош офисиларини ўз ичига олган. Жумладан, Халқаро олимпия қўмитаси, Халқаро футбол федерациялари ассоциацияси (FIFA) бош қароргоҳлари ҳам ушбу мамлакатда жойлашган. Лозаннага борсангиз, мен албатта ушбу нуфузли халқаро спорт ташкилотлари, Халқаро олимпия қўмитаси Президенти Томас Бах билан учрашув ташкил этишда амалий ёрдам бераман. Бу қайсидир маънода Ўзбекистонда спортнинг янада ривожланишига, янги лойиҳаларнинг амалга ошишига туртки бўлиб хизмат қилади”, деди Ал-Сабах.
Учрашув якунида Умид Аҳмаджонов мартабали меҳмонларга Ўзбекистон Миллий олимпия қўмитаси номидан эсдалик совғаларини топширди.
Маълумот учун, Шайҳ Аҳмад Ал Сабах эртага, 29 апрель куни Тошкентдан Эрон пойтахти Теҳрон шаҳрига жўнаб кетади.
Меҳмон бугун шунингдек, Ўзбекистон Миллий олимпия қўмитасига ҳам ташриф буюрди. Икки томон иштирокида бўлиб ўтган расмий учрашув давомида мутасаддилар ҳамкорлик ришталарини мустаҳкамлаш, ўзаро муносабатларни янада ривожлантириш, алоқаларини кенгайтириш каби масалаларга тўхталиб ўтишди.
Умид Аҳмаджонов меҳмонни ташриф билан қутлар экан, уни мамлакатимизда кўриб турганидан хурсанд эканлигини таъкидлаб ўтди.
“Аввало сизни Ўзбекистон заминида кўриб турганимиздан бениҳоя хурсандман. Осиё спорти ривожланишида, тараққий этишида сизнинг ҳиссангиз жуда катта. Буни биз жуда яхши биламиз. Биз ўзбек спортига катта режа ва мақсадлар билан кириб келганмиз. Ана шу режаларни амалга оширишда, қолаверса мамлакат спортида ислоҳотларни олиб боришда ёрдамингизга ва қўллаб-қувватлашингизга ишонамиз. Ёнингизда елкама-елка туриб, хизмат қилишга ҳам тайёрмиз.
Миллий спортимиз ҳисобланган курашни қўллаб-қувватлаётганингиз учун Сизга алоҳида раҳмат. Уни Осиё ўйинлари дастурига киритилишида сиз ва Ҳайдар Фармоннинг ҳиссаси катта эканлигини жуда яхши биламиз. Шу билан биргаликда, энди курашни келгуси Олимпия ўйинлари дастурига киритилишида ёрдам берсангиз, бу биз учун бир олам бахт бўлар эди. Бундан жудаям хурсанд бўлардик. Бу борада сизнинг кўмагингизга ишонамиз. Ўзбекистонга хуш келибсиз! Билингки, Ўзбекистон сизнинг иккинчи уйингиздир”, – деди Умид Аҳмаджонов.
Ўз навбатида Шайҳ Аҳмад Ал-Сабах учрашув давомида ўзбек спорти ишончли қўлларда эканлигини айтиб ўтди.
“Сиз билан учрашиб турганимдан хурсандман. Очиғи, мен ҳам ўз уйимга келдим деб ҳисоблайман. Чунки, бу менинг Ўзбекистонга илк ташрифим эмас. Бу ерга келганимда доимо ўзбек халқининг меҳмондўстлиги билан ҳайрон қолдиришади, бундан жуда завқ оламан. Шунинг учун, мен Ўзбекистонни ўзимнинг иккинчи уйим деб бемалол айта оламан. Ўзбек спорти ишончли ва мустаҳкам қўлларда эканлигига ишончим комил. Сизнинг Паралимпия миллий ассоциацияси бошқарувида амалга оширган ишларингизни, ташкилотчилик борасидаги маҳоратингизни жуда яхши биламан. Шу билан биргаликда, Марказий Осиё футбол федерациялари ассоциацияси – CAFA’га раҳбар бўлганингиздан ҳам бениҳоя мамнун бўлдим. Мамлакатингиз спортчиларида салоҳият жуда юқори.
Кураш деганда кўз олдимга доимо Ўзбекистон мамлакати келади. Ҳамкорликда катта ютуқларга эришишимизга ишонаман. Таъкидлаб ўтишни истардимки, сиз ёш ва ғайратлисиз. Ҳали бошқарувчи сифатида ўсишингиз керак. Фақат Ўзбекистон ичида қолмасдан, халқаро спорт ташкилотлари раҳбарлик лавозимларида меҳнат қилиб, келажакда у ердаги фаолиятингиз орқали Ўзбекистон спортига фойда келтирасиз деб ишонаман”, деди Ал-Сабах.
Суҳбат давомида Ал-Сабах Умид Аҳмаджоновни 13-15 май кунлари Швейцариянинг Лозанна шаҳрига таклиф этди.
“Швейцария 52 та халқаро спорт ташкилотларининг бош офисиларини ўз ичига олган. Жумладан, Халқаро олимпия қўмитаси, Халқаро футбол федерациялари ассоциацияси (FIFA) бош қароргоҳлари ҳам ушбу мамлакатда жойлашган. Лозаннага борсангиз, мен албатта ушбу нуфузли халқаро спорт ташкилотлари, Халқаро олимпия қўмитаси Президенти Томас Бах билан учрашув ташкил этишда амалий ёрдам бераман. Бу қайсидир маънода Ўзбекистонда спортнинг янада ривожланишига, янги лойиҳаларнинг амалга ошишига туртки бўлиб хизмат қилади”, деди Ал-Сабах.
Учрашув якунида Умид Аҳмаджонов мартабали меҳмонларга Ўзбекистон Миллий олимпия қўмитаси номидан эсдалик совғаларини топширди.
Маълумот учун, Шайҳ Аҳмад Ал Сабах эртага, 29 апрель куни Тошкентдан Эрон пойтахти Теҳрон шаҳрига жўнаб кетади.
Акмалхон Эшонхонов
