Мирзиёевнинг қизи Шаҳноза Шавкатовна янги вазирликда иш бошлади

Хабарингиз бор, Ўзбекистон Республикаси Президенти Шавкат Мирзиёевнинг 2017 йил 30 сентябрдаги “Мактабгача таълим тизими бошқарувини тубдан такомиллаштириш чора-тадбирлари тўғрисида”ги фармони ҳамда “Ўзбекистон Республикаси Мактабгача таълим вазирлиги фаолиятини ташкил этиш тўғрисида”ги қарори асосида Ўзбекистон Республикаси Мактабгача таълим вазирлиги ташкил этилиб, унга сенатор Агрепина Васильевна Шин раҳбар этиб тайинланган эди.
 
Мактабгача таълим вазирлиги сайтида келтирилган расмий маълумотларга қараганда, Президент Шавкат Мирзиёевнинг қизи Шаҳноза Шавкатовна Мирзиёева Мактабгача таълим вазирлиги Мактабгача таълим муассасалари фаолиятини ташкил этиш бошқармаси бошлиғи ўринбосари лавозимида иш бошлаган.