Нашр бу компания ҳақида Британия ва Ўзбекистон реестрларидаги шубҳали ҳужжатларни қўлга киритди.
Тошкентдаги уйлар қирғини Миробод туманидаги Кичик Бешёғоч ва Мингўрик кўчалари оралиғидаги “Байналмилал” маҳалласигача етиб борди. Бироз аввал ушбу маҳаллада яшовчи фуқаролар QALAMPIR.UZ’га ҳам мурожаат қилганди. BBC эса мазкур маҳалладаги қурилиш ишлари бўйича суриштирув ўтказди.
Тошкент шаҳар ҳокими Жаҳонгир Ортиқхўжаевнинг 1143-сонли қарорига биноан, Миробод туманидаги Кичик Бешёғоч ва Мингўрик кўчалари оралиғидаги “Байналмилал” маҳалласи бузилиши кўзда тутилган. Ҳамда, Ортиқхўжаевнинг 1327-сонли қарорига биноан, шу ҳудудда “Hyper Finance Group” ўзбек-британ қўшма компаниясига кўп қаватли бинолар қуриш ишларини амалга ошириш рухсат берилган. Аммо, бу компания, унинг капитали ёки тажрибаси ҳақида маълумот йўқ.
BBC’га кўра, Тошкент шаҳар ҳокимлигидан йирик лойиҳани олган ўзбек-британ компанияси сохта бўлиши мумкин. Нашр бу компания ҳақида Британия ва Ўзбекистон реестрларидаги шубҳали ҳужжатларни қўлга киритди.
Миробод тумани ҳокими Ўзбекистон телевидениеси орқали бу маҳаллани ташландиқ дея тасвирлаган бўлса-да, ундаги кўп уйлар асосан дабдабали ҳовлилардан ташкил топган. Аҳоли фаоллари ўтказган сўровга кўра, 520 та уйдан 462 таси маҳалла бузилишига қарши имзо чеккан.
Президент Шавкат Мирзиёевнинг 1 сентябрда имзонланган 5495-сонли қарорига кўра, “...ер участкаларини олиб қўйишда жисмоний ва юридик шахсларга тегишли бўлган турар жой ва ишлаб чиқариш бинолари, бошқа иморатлар ва иншоотларнинг бузилишига кўчмас мулкнинг бозор қиймати ва олиб қўйиш сабабли мулкдорга етказилган зарарнинг ўрни тўлиқ қопланганидан кейин рухсат берилади”.
QALAMPIR.UZ аниқлаган маълумотларга қараганда, ушбу маҳаллада Марказий сайлов комиссияси раиси Мирзо Улуғбек Абдусаломов ҳам истиқомат қилади ва унинг уйи ҳам “қирғин” рўйхатига киритилган.
Тошкент шаҳар ҳокими Жаҳонгир Ортиқхўжаевнинг 1143-сонли қарорига биноан, Миробод туманидаги Кичик Бешёғоч ва Мингўрик кўчалари оралиғидаги “Байналмилал” маҳалласи бузилиши кўзда тутилган. Ҳамда, Ортиқхўжаевнинг 1327-сонли қарорига биноан, шу ҳудудда “Hyper Finance Group” ўзбек-британ қўшма компаниясига кўп қаватли бинолар қуриш ишларини амалга ошириш рухсат берилган. Аммо, бу компания, унинг капитали ёки тажрибаси ҳақида маълумот йўқ.
BBC’га кўра, Тошкент шаҳар ҳокимлигидан йирик лойиҳани олган ўзбек-британ компанияси сохта бўлиши мумкин. Нашр бу компания ҳақида Британия ва Ўзбекистон реестрларидаги шубҳали ҳужжатларни қўлга киритди.
Миробод тумани ҳокими Ўзбекистон телевидениеси орқали бу маҳаллани ташландиқ дея тасвирлаган бўлса-да, ундаги кўп уйлар асосан дабдабали ҳовлилардан ташкил топган. Аҳоли фаоллари ўтказган сўровга кўра, 520 та уйдан 462 таси маҳалла бузилишига қарши имзо чеккан.
Президент Шавкат Мирзиёевнинг 1 сентябрда имзонланган 5495-сонли қарорига кўра, “...ер участкаларини олиб қўйишда жисмоний ва юридик шахсларга тегишли бўлган турар жой ва ишлаб чиқариш бинолари, бошқа иморатлар ва иншоотларнинг бузилишига кўчмас мулкнинг бозор қиймати ва олиб қўйиш сабабли мулкдорга етказилган зарарнинг ўрни тўлиқ қопланганидан кейин рухсат берилади”.
QALAMPIR.UZ аниқлаган маълумотларга қараганда, ушбу маҳаллада Марказий сайлов комиссияси раиси Мирзо Улуғбек Абдусаломов ҳам истиқомат қилади ва унинг уйи ҳам “қирғин” рўйхатига киритилган.
