Фотопост: картошкага ҳайкал ўрнатамизми?

Барчамизга  маълумки, картошкадаги крахмал моддаси бошқа ҳеч бир сабзавот ёки мева таркибида унингчалик кўп учрамайди. Энг асосийси, айнан шу крахмал моддаси инсон саломатлигини сақловчи хусусиятга эга. Шу боисдан ҳам Хитой ва Япония аҳолиси узоқ умр кўриш ва куч-қувватни сақлаш мақсадида картошкани жуда хам кўп миқдорда истеъмол қиларкан. Худди биз нон ва нон маҳсулотларини севиб тановул қилганимиздек.


 
Йил бошидан буён картошка нархларининг ошиб бориши аҳоли ўртасида норозиликларни келтириб чиқармоқда.
 
Айни кунларда бозор расталарида сотилаётган сабзавотларнинг нархлари билан танишиш мақсадида пойтахтдаги “Фарҳод” ва “Олой” деҳқон бозорларидан махсус фоторепортаж тайёрладик.




 
Олиб борган кузатувларимиз давомида аниқланишича, “Фарҳод” деҳқон бозорида бир килограмм картошканинг энг арзони 2500 сўм. Эркин нархларда эса нави ва ҳолатига қараб баҳоси 3000 сўмдан 5000 сўмгача етиб боради. Масалан, пикассо нави 4500-5000 сўмдан сотилмоқда.




 
Пиёз нархи эса ўтган ойларникига қараганда анча ошган. Ҳолатига қараб эркин савдода 2500-3500 сўмгача етган бўлса, махсус расталарда (“Элга хизмат”) 3000 сўмга баҳоланмоқда.
 
“Олой”  деҳқон бозорида ҳам аҳвол шу.
 
Бугунги кун жаҳон тиббиёти шу нарсани аниқладики, инсон организми учун крахмал моддаси ниҳоятда қадрли ва зарур экан. Чунки бу модда танамиздаги миллионлаб ҳужайраларнинг фаол ишлашига кўмак беради. Агар айнан шу модда етишмаса, ҳужайраларда сустлик кузатилиб, инсон тез қарий бошлар экан.

​
 
Ҳужайраларнинг шикастланиши оқибатида бизда бошқа бир турдаги касалликлар ҳам пайдо бўлиши мумкин. Буларнинг олдини олиш учун эса доимий равишда картошка еб туриш керак.
 
Энди барча умидимиз яқиндагина тузилган махсус комиссиядан. Ушбу комиссия нархлардан хабардор бўлиб, Вазирлар Маҳкамасига кўрсатма бериб туради. Агар бирор- бир маҳсулот етишмай қолса, дефицит бошланади ва нархлар кўтарилади. Давлат муҳим товарлар нархини нормал даражада ушлаб турмоқчи.

Мухлиса Қосимова
Фото: Ситора Элбоева