Мансабдор шахслари томонидан ўзаро тил бириктириб, 7 та маҳалла аҳолисини юқори босимли газ тармоғига ноқонуний улаш йўли билан 10,3 млрд сўм талон-торож қилинган.
Ўзбекистон Республикаси Бош прокуратураси ҳузуридаги Мажбурий ижро бюроси ўз фаолиятини бошлаганига кўп бўлмаган бўлсада, фаолияти юзасидан дастлабки ҳисоботларни тақдим этмоқда.
Мажбурий ижро бюроси ҳисоботлари ҳақида бундан олдинроқ ҳам хабар берган эдик.
Маълумотларга кўра, корхоналар томонидан амалга оширилган талон-торожликлар оқибатида юзага келган қарздорлик сохта маълумотлар орқали аҳоли гарданига тушган ҳолатлар аниқланди.
Шундай ҳолатлардан бири, “Андижоншаҳаргаз, “Андижон ёғ-мой” АЖ ва “Андижон биохимия заводи” АЖ мансабдор шахслари томонидан ўзаро тил бириктириб, 7 та маҳалла аҳолисини юқори босимли газ тармоғига ноқонуний улаш йўли билан 10,3 млрд сўм талон-торож қилингани аниқланган.
Тошкент вилоятида ҳам нореал қарздорлик ҳолати келтириб чиқарилган. “Бўстонлиқтумангаз” филиали ва “Тошкентгазтаъминот” унитар корхонаси мансабдор шахслари истеъмолчиларнинг табиий газ сарфи кўрсаткичларига сохта маълумотлар киритиб, 15,6 млрд. сўм миқдорида нореал қарздорликнинг вужудга келишига сабабчи бўлганлар.
Айрим корхоналар томонидан амалга оширилган жиноятлар — фуқароларнинг йирик қарздорликларига олиб келган.
Масалан, Косон ЭТК мансабдор шахслари 2012–2017 йилларда “Электрҳисоблагич” ДК маълумотлар базасига Косон тумани ҳокимининг қарори билан фаолияти тугатилган 100 та хўжалик юритувчи субъектларнинг қарздорлиги борлиги ҳақида сохта маълумотлар киритиши натижасида 2 млрд. 383 млн. сўм нореал қарздорлик пайдо бўлган.
Ёки, Жарқўрғон тумани ЭТК мансабдор шахслари 47 та фермер хўжалиги ва иқтисодиёт коллежининг 11,6 млрд. сўм қарздорлиги мавжудлиги тўғрисида маълумотлар базасига сохта маълумотлар киритганлар.
Қайд этиш лозимки, мавжуд қарздорликни ҳисобдан чиқариб бериш эвазига қонунга хилоф равишда ҳақ олганлик ҳолатлари бўйича 51 та жиноят иши қўзғатилган.
Мажбурий ижро бюроси ҳисоботлари ҳақида бундан олдинроқ ҳам хабар берган эдик.
Маълумотларга кўра, корхоналар томонидан амалга оширилган талон-торожликлар оқибатида юзага келган қарздорлик сохта маълумотлар орқали аҳоли гарданига тушган ҳолатлар аниқланди.
Шундай ҳолатлардан бири, “Андижоншаҳаргаз, “Андижон ёғ-мой” АЖ ва “Андижон биохимия заводи” АЖ мансабдор шахслари томонидан ўзаро тил бириктириб, 7 та маҳалла аҳолисини юқори босимли газ тармоғига ноқонуний улаш йўли билан 10,3 млрд сўм талон-торож қилингани аниқланган.
Тошкент вилоятида ҳам нореал қарздорлик ҳолати келтириб чиқарилган. “Бўстонлиқтумангаз” филиали ва “Тошкентгазтаъминот” унитар корхонаси мансабдор шахслари истеъмолчиларнинг табиий газ сарфи кўрсаткичларига сохта маълумотлар киритиб, 15,6 млрд. сўм миқдорида нореал қарздорликнинг вужудга келишига сабабчи бўлганлар.
Айрим корхоналар томонидан амалга оширилган жиноятлар — фуқароларнинг йирик қарздорликларига олиб келган.
Масалан, Косон ЭТК мансабдор шахслари 2012–2017 йилларда “Электрҳисоблагич” ДК маълумотлар базасига Косон тумани ҳокимининг қарори билан фаолияти тугатилган 100 та хўжалик юритувчи субъектларнинг қарздорлиги борлиги ҳақида сохта маълумотлар киритиши натижасида 2 млрд. 383 млн. сўм нореал қарздорлик пайдо бўлган.
Ёки, Жарқўрғон тумани ЭТК мансабдор шахслари 47 та фермер хўжалиги ва иқтисодиёт коллежининг 11,6 млрд. сўм қарздорлиги мавжудлиги тўғрисида маълумотлар базасига сохта маълумотлар киритганлар.
Қайд этиш лозимки, мавжуд қарздорликни ҳисобдан чиқариб бериш эвазига қонунга хилоф равишда ҳақ олганлик ҳолатлари бўйича 51 та жиноят иши қўзғатилган.
Зоҳиршоҳ Жўраев
