Бельгия Қироллиги Бош вазири Шарль Мишель ҳам Ўзбекистон раҳбариятини муборакбод этди.
1991 йил 31 декабрда Ўзбекистон Республикаси Мустақиллигини тан олган Бельгия Қироллиги 1992 йил 10 март куни Ўзбекистон билан дипломатик муносабатлар ўрнатган. Бу йил мазкур ҳодисага 25 йил тўлди.
Мамлакатлар ўртасида ўрнатилган дипломатик муносабатларнинг 25 йиллиги муносабати билан, Бельгия Қироли Филипп Шавкат Мирзиёевга табрик йўллади.
“2017 йилда Бельгия ва Ўзбекистон ўртасида дипломатик муносабатлар ўрнатилганининг 25 йиллигини нишонлаётганимиз менга катта мамнуният бағишлайди. Ўтган йилларда мамлакатларимиз ўртасидаги ҳамкорлик турли соҳаларда муваффақиятли ривожланмоқда, икки томонлама муносабатларимизнинг муҳим асоси бўлган дўстона алоқалар ва ўзаро англашув изчил мустаҳкамланмоқда”, дейилади Қирол мактубида.
Бельгия Қироллигининг Бош вазири Шарль Мишель ҳам Ўзбекистон раҳбариятини муборакбод этди:
“Ўзбекистон мустақилликка эришган кунданоқ ўз суверенитетини мустаҳкамлади ҳамда минтақанинг муҳим сиёсий ва иқтисодий салоҳиятга эга давлатига айланди. Ўтган давр мобайнида мамлакатларимиз самарали ҳамкорлик қилиб келмоқда, аммо уни янада диверсификация қилиш борасида катта салоҳият мавжуд”.
Ўз навбатида, Ўзбекистон Республикаси Президенти Шавкат Мирзиёев ҳам табрик йўллаб, ўтган даврда икки давлат ўртасидаги мустаҳкам дўстлик ва ўзаро англашув анъаналарига асосланган эзгу ва амалий муносабатлар ўрнатилганини қайд этди.
Шавкат Мирзиёев икки мамлакат ўртасидаги муносабатларни ривожлантиришга қаратилган биргаликдаги саъй-ҳаракатлар давом эттирилишига, ҳамкорлик ўзаро ҳурмат, тенг ҳуқуқлилик ва ишонч тамойиллари асосида янада мустаҳкамланишига ишонч билдирди.
Мамлакатлар ўртасида ўрнатилган дипломатик муносабатларнинг 25 йиллиги муносабати билан, Бельгия Қироли Филипп Шавкат Мирзиёевга табрик йўллади.
“2017 йилда Бельгия ва Ўзбекистон ўртасида дипломатик муносабатлар ўрнатилганининг 25 йиллигини нишонлаётганимиз менга катта мамнуният бағишлайди. Ўтган йилларда мамлакатларимиз ўртасидаги ҳамкорлик турли соҳаларда муваффақиятли ривожланмоқда, икки томонлама муносабатларимизнинг муҳим асоси бўлган дўстона алоқалар ва ўзаро англашув изчил мустаҳкамланмоқда”, дейилади Қирол мактубида.
Бельгия Қироллигининг Бош вазири Шарль Мишель ҳам Ўзбекистон раҳбариятини муборакбод этди:
“Ўзбекистон мустақилликка эришган кунданоқ ўз суверенитетини мустаҳкамлади ҳамда минтақанинг муҳим сиёсий ва иқтисодий салоҳиятга эга давлатига айланди. Ўтган давр мобайнида мамлакатларимиз самарали ҳамкорлик қилиб келмоқда, аммо уни янада диверсификация қилиш борасида катта салоҳият мавжуд”.
Ўз навбатида, Ўзбекистон Республикаси Президенти Шавкат Мирзиёев ҳам табрик йўллаб, ўтган даврда икки давлат ўртасидаги мустаҳкам дўстлик ва ўзаро англашув анъаналарига асосланган эзгу ва амалий муносабатлар ўрнатилганини қайд этди.
Шавкат Мирзиёев икки мамлакат ўртасидаги муносабатларни ривожлантиришга қаратилган биргаликдаги саъй-ҳаракатлар давом эттирилишига, ҳамкорлик ўзаро ҳурмат, тенг ҳуқуқлилик ва ишонч тамойиллари асосида янада мустаҳкамланишига ишонч билдирди.
Дурдона Расулова
