...
МЕНЮ
ONLINE TV

“Қуллар зиндони”дан қайтган Трамп хоним пирамидаларни кўргани борди


19:26, 06.10.2018 Олам
 3 964

У бугун, 6 октябрь куни АҚШга қайтиб кетиши кутилмоқда.

АҚШ Президенти Дональд Трампнинг рафиқаси, АҚШнинг биринчи хоними Мелания Трамп Африкадаги саёҳатини давом эттирмоқда.
 
Гана, Кения ва Малави давлатлари бўйлаб саёҳат қилган Мелания Трамп, бугун, 6 октябрь куни Мисрга борди.
 
У Миср давлат раҳбари Абдулфаттоҳ ас-Сиси ва унинг турмуш ўртоғи, Мисрнинг биринчи хоними Энтиссар ас-Сиси билан учрашади, дея хабар бермоқда “Reuters”.
 
Мазкур учрашув Гиза шаҳрида бўлади. Сўнг АҚШ биринчи хоними Мисрнинг қадимий пирамидалари ҳамда улкан сфинксларни томоша қилиши режалаштирилган.
 
Миср саёҳатидан кейин, бугун, 6 октабрь куни Мелания Трампнинг АҚШга қайтиши кутилмоқда.
 
Аввалроқ, АҚШ биринчи хонимининг Ганадаги қадимий манзилгоҳларига ташриф буюргани ҳақида хабар берган эдик.
Дилмуроджон Раҳимов

Теглар:Мелания Трамп Дональд Трамп Африка 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!