Учрашув жойи сифатида Монголия, Гавайи, Индонезия каби давлатлар ҳам кўриб чиқиляпти.
АҚШ ва КХДР вакиллари Америка президенти Дональд Трамп ва Шимолий Корея етакчиси Ким Чен Иннинг навбатдаги учрашуви борасида музокаралар олиб боряпти. Учрашув жойи сифатида Вьетнам пойтахти Ханой шаҳри ўрганиляпти. Бу ҳақда “Bloomberg” хабар берди.
Қайд этилишича, томонлар бўлажак саммитнинг ўтказиш вақтини Ханойдаги учрашувда муҳокама қилган. Расмий Вашингтон АҚШ ва КХДР етакчиларининг учрашув жойи сифатида Монголия, Гавайи, Индонезия ва икки корейс давлати чегарасидаги Пханмунжом пунктини кўриб чиқяпти.
Эслатиб ўтамиз, ўтган йилнинг 12 июнь куни Сингапурда Дональд Трамп ва Ким Чен Ин учрашуви бўлиб ўтганди. Ўшанда расмий Пхеньян ядровий қуроллардан бутунлай воз кечишга тайёрлигини билдирганди.
