“Тошшаҳартрансхизмат” АЖ масжид олдида ёнган автобус бўйича изоҳ берди

Аввалроқ, Тошкент шаҳри Миробод туманидаги Қўйлиқ ота масжиди ёнида автобусда ёнғин чиққани ҳақида хабар берган эдик.
 
Воқеа тафсилотлари ҳақида Toshshahartransxizmat акциядорлик жамияти вакиллари тушунтириш берди.
 
4-автобус саройига қарашли “Қўйлиқ-Бошлиқ” оралиғида қатновчи 45-йўналишдаги автобус автошохбекатда турганда қисқа туташув юз берган экан. Атрофни тутун қоплаган. Жабрланганлар йўқ.
 
Шундай бўлса-да, аҳоли ва йўловчиларнинг хавфсизлигини таъминлаш учун ўт ўчириш хизматига мурожаат қилинган. Ҳозирда қисқа туташув сабаблари ўрганилмоқда.