“Ўзбекистон темир йўллари” АЖ ва “Ўзбекистон ҳаво йўллари” МАК Оролбўйи аҳолиси учун чегирма белгилади

Қорақалпоғистон Республикаси ва Хоразм вилояти аҳолисининг маълум тоифадаги йўловчилари учун 50 фоизгача чегирма белгиланди.

• Пенсионерлар (жумладан, 1941-1945 йиллардаги уруш қатнашчилари ва ногиронлари ҳамда уларга тенглаштирилган шахслар, Чернобиль АЭСдаги ҳалокат оқибатларини бартараф қилишда иштирок этганлар);

• Ногиронлар (биринчи, иккинчи ва учинчи гуруҳ), ногиронлик гуруҳи кўрсатилган тиббий-меҳнат эксперт комиссияси текширув акти кўчирмаси ёки гувоҳнома бўлган ҳолда ҳамда ногиронга ҳамроҳлик қилувчи шахс;

• 16 ёшгача бўлган болаликдан ногиронлар, ногиронлик гуруҳи кўрсатилган тиббий-меҳнат эксперт комиссияси текширув акти кўчирмаси ёки гувоҳнома бўлган ҳолда ҳамда ногиронга ҳамроҳлик қилувчи шахс;

• Ўқишга кетаётган талабалар, олий таълим муассасасига таклифнома ёки олий таълим муассасасига йўлланма, талабалик гувоҳномаси ва олий таълим муассасасидан маълумотнома бўлган ҳолда;

• Фуқароларнинг ўзини-ўзи бошқариш органлари томонидан моддий ёрдам тайинланган кам таъминланган оилалар аъзолари, фуқароларнинг ўзини-ўзи бошқариш органлари томонидан моддий ёрдам тўланаётган давр учун маълумотнома бўлган ҳолда чегирмалар берилади.