Илк бор Мирзабек Холмедовнинг концерт дастурида чиқиш қилган Ҳалима Ибрагимованинг бошига омад қуши қўниб, кутилмаганда машҳурлар сафидан жой олди.
Аткриса Ҳалима Ибрагимова инстаграмдаги шахсий саҳифаси орқали дўмбоқ хотин-қизлар учун кастинг эълон қилган эди. Ибрагимованинг берган маълумотларига қараганда кастингда иштирок этган 50 га яқин аёллар орасидан 10 таси танлаб олинган. Келаси ҳафтадан бошлаб улар қизиқчи Шукурилло Исроиловнинг 25-26 декабрь кунлари “Истиқлол” санъат саройида бўлиб ўтадиган концерт дастурига тайёргарликни бошлашади. Маълумотларга қараганда, дўмбоқларга бош-қош бўлаётган Ҳалима Ибрагимова кастингда танлаб олинган аёлларга концерт ўтгунга қадар ҳатто яқин қариндошлари билан ҳам суратга тушишларини тақиқлаган. “Ҳозирча ҳамма сирни оча олмаймиз. Мухлислар ва томошабинлар бу кастинг нима мақсадда ўтказилгани ҳамда қандай томоша қўймоқчилигимиздан фақатгина концертда бохабар бўлишлари мумкин”, дейди актриса.
Дарвоқе, Ҳалима бошчилигидаги янги гуруҳ аъзолари қизиқчи Мирзабек Холмедовнинг келаси йил апрель ойида бўлиб ўтадиган концерт дастурида ҳам иштирок этишлари мумкин.
Бир вақтлар ўзбек шоу-бизнесида, хусусан, қизиқчилик санъатида йирик қоматли, дўмбоқ Ҳалима Ибрагимованинг пайдо бўлиши ҳақиқий янгилик бўлганди. Ўшандан буён Ҳалима қанчадан-қанча фильм ва клипларда суратга тушмади дейсиз. Ибрагимованинг “шогирд”ларига ҳам шундай бахт насиб этармикин?
Дарвоқе, Ҳалима бошчилигидаги янги гуруҳ аъзолари қизиқчи Мирзабек Холмедовнинг келаси йил апрель ойида бўлиб ўтадиган концерт дастурида ҳам иштирок этишлари мумкин.
Бир вақтлар ўзбек шоу-бизнесида, хусусан, қизиқчилик санъатида йирик қоматли, дўмбоқ Ҳалима Ибрагимованинг пайдо бўлиши ҳақиқий янгилик бўлганди. Ўшандан буён Ҳалима қанчадан-қанча фильм ва клипларда суратга тушмади дейсиз. Ибрагимованинг “шогирд”ларига ҳам шундай бахт насиб этармикин?
Қамариддин Шайхов
