Тошкент давлат юридик университетида имтиҳонга кириш жараёни қандай ўтмоқда?
Аввалроқ, “Qalampir.uz” жамоасининг Тошкент давлат юридик университетига кириш имтиҳонлари жараёнида иштирок этаётгани ҳақида хабар берган эдик.
Эрталабки 06:00 дан “Ўзэкспомарказ” мажмуасига абитуриентларни киритиш бошланди. Бу йил назорат ўтган йиллардагидан-да кучайтирилганини эътироф этиш лозим. Ички ишлар идоралари, Давлат божхона қўмитаси ходимлари ва Тошкент давлат юридик университети Қабул комиссияси вакиллари абитуриентларни бирма-бир текширувдан ўтказмоқда. “Шпаргалка” ёки бошқа турли ускуналар ва ёрдамчи воситалар билан имтиҳонга киришни мўлжаллаган “уддабурон” абитуриентлар имтиҳондан четлаштирилмоқда.
Видеодаги қизнинг ҳужжатлари орасида шпаргалка топилгани сабабли у имтиҳонга киритилмайдиган бўлди. Бунинг аксини исботлашга ҳаракат қилаётган абитуриент “Энди мен ўқишга кирмайманми?”, дея боши қотган.
Имтиҳонларга ёрдамчи воситаларсиз кириш лозимлигини ҳамма абитуриентлар билишса-да, яна қинғир йўл билан имтиҳонга киришга уринишлари ачинарли ҳол. Оқибатда улар умуман тест топширмайдиган бўлишди. Имтиҳонга киришда қизларни алоҳида аёллар гуруҳи махсус жойда текширади. Бу йил бу гуруҳ “Тўмарис” дея ном олган.
Тошкент давлат юридик университетига кириш имтиҳонлари ўтказилаётган “Ўзэкспомарказ” мажмуасининг очиқ майдонида “Шпаргалкалар, валюта ва ҳар қандай буюмларни ўз ихтиёрингиз билан топширишингиз шарт. Божхона ходимлари томонидан аниқланса, далолатнома тузилади ва тестдан четлатилади”, дея эълон қилиб боришди.
Кўриб турганингиздек, абитуриентларнинг ҳатто, оёқ кийимлари ечилиб, текширилмоқда. Абитуриентлар бир неча назорат пунктларидан ўта олишсагина имтиҳонга киришларига руҳсат берилмоқда.
Эрталабки 06:00 дан “Ўзэкспомарказ” мажмуасига абитуриентларни киритиш бошланди. Бу йил назорат ўтган йиллардагидан-да кучайтирилганини эътироф этиш лозим. Ички ишлар идоралари, Давлат божхона қўмитаси ходимлари ва Тошкент давлат юридик университети Қабул комиссияси вакиллари абитуриентларни бирма-бир текширувдан ўтказмоқда. “Шпаргалка” ёки бошқа турли ускуналар ва ёрдамчи воситалар билан имтиҳонга киришни мўлжаллаган “уддабурон” абитуриентлар имтиҳондан четлаштирилмоқда.
Видеодаги қизнинг ҳужжатлари орасида шпаргалка топилгани сабабли у имтиҳонга киритилмайдиган бўлди. Бунинг аксини исботлашга ҳаракат қилаётган абитуриент “Энди мен ўқишга кирмайманми?”, дея боши қотган.
Имтиҳонларга ёрдамчи воситаларсиз кириш лозимлигини ҳамма абитуриентлар билишса-да, яна қинғир йўл билан имтиҳонга киришга уринишлари ачинарли ҳол. Оқибатда улар умуман тест топширмайдиган бўлишди. Имтиҳонга киришда қизларни алоҳида аёллар гуруҳи махсус жойда текширади. Бу йил бу гуруҳ “Тўмарис” дея ном олган.
Тошкент давлат юридик университетига кириш имтиҳонлари ўтказилаётган “Ўзэкспомарказ” мажмуасининг очиқ майдонида “Шпаргалкалар, валюта ва ҳар қандай буюмларни ўз ихтиёрингиз билан топширишингиз шарт. Божхона ходимлари томонидан аниқланса, далолатнома тузилади ва тестдан четлатилади”, дея эълон қилиб боришди.
Кўриб турганингиздек, абитуриентларнинг ҳатто, оёқ кийимлари ечилиб, текширилмоқда. Абитуриентлар бир неча назорат пунктларидан ўта олишсагина имтиҳонга киришларига руҳсат берилмоқда.
Дурдона Расулова
