Жонивор ярим метрлик қафасда сақланган. Унинг тумшуғида жароҳати бўлган.
Тошкент вилоятидаги уйлардан биридан ноқонуний равишда қафасда ушлаб турилган Африка шери аниқланди.
“Тутзор” манзилгоҳида жойлашган уйда сақланган шер боласи 8 ойлик бўлган. Жонивор хусусий корхоналардан бирига тегишли экани айтилган, аммо шерни олиб келиш ва сақлаш ҳуқуқини берувчи ҳужжат тақдим этилмаган.
“Ўзбекистон 24” телеканали орқали эфирга узатилган репортажда Экология ва атроф-муҳитни ҳимоя қилиш давлат қўмитаси ҳудудий инспекцияси вакилининг айтишича, жонивор оч ҳолатда ўзига мос бўлмаган шароитда ушлаб турилган. Унинг тумшуғи синган. Ярим метрлик қафасда сақланган, шу сабаб ҳам ёввойи ҳайвон ҳаракатлана олмаган.
Айни пайтда Африка шери Тошкент ҳайвонот боғига келтирилган. Бу ерда унга ғамхўрлик кўрсатилмоқда. Шунингдек, тергов ҳаракатлари ҳам бошланган.
Айтиш керакки, Ўзбекистонда ёввойи ҳайвонларни уйда сақлаш тақиқланган, уларниолиб келиш ёки олиб чиқиш Экология ва атроф-муҳитни ҳимоя қилиш давлат қўмитасининг рухсати билан амалга оширилиши мумкин.
Жониворлар контрабандаси учун 5 йилгача озодликдан маҳрум этиш жазоси тайинланиши мумкин. Жониворларга қўпол муносабатда бўлиш, уларни қийнаганлиги учун эса энг кам иш ҳақининг икки баробари миқдорида жарима белгиланади.
“Тутзор” манзилгоҳида жойлашган уйда сақланган шер боласи 8 ойлик бўлган. Жонивор хусусий корхоналардан бирига тегишли экани айтилган, аммо шерни олиб келиш ва сақлаш ҳуқуқини берувчи ҳужжат тақдим этилмаган.
“Ўзбекистон 24” телеканали орқали эфирга узатилган репортажда Экология ва атроф-муҳитни ҳимоя қилиш давлат қўмитаси ҳудудий инспекцияси вакилининг айтишича, жонивор оч ҳолатда ўзига мос бўлмаган шароитда ушлаб турилган. Унинг тумшуғи синган. Ярим метрлик қафасда сақланган, шу сабаб ҳам ёввойи ҳайвон ҳаракатлана олмаган.
Айни пайтда Африка шери Тошкент ҳайвонот боғига келтирилган. Бу ерда унга ғамхўрлик кўрсатилмоқда. Шунингдек, тергов ҳаракатлари ҳам бошланган.
Айтиш керакки, Ўзбекистонда ёввойи ҳайвонларни уйда сақлаш тақиқланган, уларниолиб келиш ёки олиб чиқиш Экология ва атроф-муҳитни ҳимоя қилиш давлат қўмитасининг рухсати билан амалга оширилиши мумкин.
Жониворлар контрабандаси учун 5 йилгача озодликдан маҳрум этиш жазоси тайинланиши мумкин. Жониворларга қўпол муносабатда бўлиш, уларни қийнаганлиги учун эса энг кам иш ҳақининг икки баробари миқдорида жарима белгиланади.
Дурдона Расулова
