Тошкент ислом институти ҳамда ўрта махсус ислом билим юртларига абитуриентлар қабули бошланди

Ўзбекистон мусулмонлари идораси тасарруфидаги Тошкент ислом институти ҳамда ўрта махсус ислом билим юртларига 2016-2017 ўқув йили учун қабул эълон қилинди.
 
Унга кўра, Имом Бухорий номли Тошкент ислом институтига жорий йилнинг 27 июнидан 20 июлига қадар абитуриентлардан ҳужжатлар қабул қилинади.
 
Тақдим этиладиган ҳужжатлар:
 
- ректор номига ариза;
- маълумоти ҳақида ҳужжат: ўрта мактабни битирганлиги ҳақида шаҳодатнома (аттестат), лицей ёки ўрта махсус таълим муассасасини битирганлиги ҳақида диплом (асли);
- соғлиғи ҳақида тиббий маълумотнома (У-086-шакл);
- паспорт нусхаси (асли кўрсатилади);
- 6 дона фотосурат (3,5 х 4,5 ҳажмдаги);
- яшаш жойидан маълумотнома;
- яшаш жойидаги масжид имом-хатибидан тавсиянома;
- ҳарбий хизматга алоқадорлиги ҳақида ҳужжат (асли).
 
Ўрта махсус ислом билим юртларига қабул эса жорий йилнинг 27 июнидан 5 июлигача бўлиб ўтади.
 
Тақдим этиладиган ҳужжатлар:
 
- қабул ҳайъати раиси номига ариза;
- маълумоти ҳақида ҳужжат (асл нусхаси);
- соғлиғи ҳақида тиббий маълумотнома (У-086-шакл);
- 6 дона фотосурат (3,5 х 4,5 ҳажмдаги);
- туғилганлик ҳақида гувоҳнома ёки паспорт нусхаси (асл нусхаси  кўрсатилади);
- яшаш жойидан маълумотнома;
- яшаш жойидаги масжид имом-хатибидан тавсиянома;
- ҳарбий хизматга алоқадорлиги ҳақида ҳужжат (16 ёшдан катталар учун асл нусхаси);