Фуқаро К.Қодирқулованинг ноқонуний ҳаракати юзасидан божхона текширувлари ва суриштирув жараёнлари давом эттирилмоқда.
Тошкент вилояти божхона бошқармаси “Ғишткўприк” божхона комплекси ходимлари юртимизга қўшни давлатдан кириб келган фуқаро К.Қодирқуловага тегишли қўл юклари назорат-рентген аппрати орқали кўздан кечирилганда, аёл томонидан божхоначиларнинг кўзини шамғалат қилиш мақсадида қўл юклари ичидаги тўқиш учун мўлжалланган ип калавалардан бирининг орасига 3000 АҚШ доллари миқдоридаги нақд хорижий валюта яширилгани аниқланди, дея хабар берди Тошкент вилояти божхона бошқармаси Ахборот хизмати.
Калавалардан яна бирининг орасига эса 92 грамдан ортиқ тилла тақинчоқлар яширилган экан. Ноқонуний равишда олиб ўтишга уринилган мазкур 49 дона заргарлик буюмларининг умумий қиймати дастлабки маълумотларга кўра салкам 12 млн. сўмни ташкил қилмоқда.
Қонунбузар аёл божхона ходимларининг оғзаки сўрови пайтида ва йўловчи божхона декларациясида маълум қилмасдан туриб, автотранспорт воситалари учун мўлжалланган 3 дона антирадар, 2 дона уяли алоқа воситаси ва 1 дона DVD плейерни ҳам ноқонуний равишда олиб киришга уринган экан.
Фуқаро К.Қодирқулованинг қиймати тахминан 25 млн. сўмдан ортиқ бўлган товар-моддий бойликларни ноқонуний равишда олиб кириши юзасидан божхона текширувлари ва суриштирув жараёнлари давом эттирилмоқда.
Калавалардан яна бирининг орасига эса 92 грамдан ортиқ тилла тақинчоқлар яширилган экан. Ноқонуний равишда олиб ўтишга уринилган мазкур 49 дона заргарлик буюмларининг умумий қиймати дастлабки маълумотларга кўра салкам 12 млн. сўмни ташкил қилмоқда.
Қонунбузар аёл божхона ходимларининг оғзаки сўрови пайтида ва йўловчи божхона декларациясида маълум қилмасдан туриб, автотранспорт воситалари учун мўлжалланган 3 дона антирадар, 2 дона уяли алоқа воситаси ва 1 дона DVD плейерни ҳам ноқонуний равишда олиб киришга уринган экан.
Фуқаро К.Қодирқулованинг қиймати тахминан 25 млн. сўмдан ортиқ бўлган товар-моддий бойликларни ноқонуний равишда олиб кириши юзасидан божхона текширувлари ва суриштирув жараёнлари давом эттирилмоқда.
