Бутунжаҳон шахмат федерацияси раҳбари шахмат ватани Покистон, Ҳиндистон ёки Эрон эмас, балки Ўзбекистон эканлигини айтди.
Куни кеча Миллий олимпия қўмитасида Ўзбекистон шахмат федерациясининг навбатдан ташқари ҳисобот-сайлов конференцияси ташкил қилинди. Унда Бутунжаҳон шахмат федерацияси раҳбари Кирсан Илюмжинов, Миллий олимпия қўмитаси Президенти Умид Аҳмаджонов, Жисмоний тарбия ва спорт вазири Шоакром Исроилов, Ўзбекистон шахмат федерацияси мутасаддилари иштирок этдилар.
Конференция кун тартиби Ўзбекистон шахмат федерациясига янги раис сайлаб олиш, шунингдек, шу йил октябрь ойида бўлиб ўтадиган Бутунжаҳон шахмат федерацияси (FIDE) президентлиги сайлови учун Кирсан Илюмжинов номзодини илгари суришдан иборат бўлди.
Шахмат федерация раиси лавозимига Ўзбекистон Республикаси Президенти ҳузуридаги лойиҳа бошқаруви Миллий агентлиги директорининг биринчи ўринбосари Дмитрий Романович Ли номзоди иштирокчилар томонидан бир овоздан номзодини қўллаб-қувватланди. Шу тариқа, Дмитрий Ли Ўзбекистон шахмат федерациясининг янги раиси этиб сайланди.
“Билдирилаётган ишонч учун раҳмат айтаман. Ўзбекистонда шахматга оид Президент қарори бор. Ўзбек шахматини қўллаб-қувватлаш, ёрдам бериш учун барча чорани амалга ошираман. Шахмат инсоннинг интелектуал, мантиқий фикрлашини ривожлантиради”, деди Дмитрий Ли.
Шундан сўнг, Бутунжаҳон шахмат федерацияси ва Ўзбекистон шахмат федерацияси низомига биноан, шу йил Батумида бўлиб ўтадиган FIDE президентлик сайлови учун Ўзбекистон шахмат федерацияси номидан 1995 йилдан бери ушбу ташкилотга раҳбарлик қилиб келаётган, етти маротаба FIDE президентлиги лавозимига қайта сайланган Кирсан Илюмжинов номзодини илгари суриш масаласи кўрилди. Конференция қатнашчилари бир овоздан Кирсан Николаевич Илюмжинов номзодини FIDE президентлиги учун номзод сифатида қайд этишди.
“Тошкент мен учун қадрли шаҳар. Бу ерга ўз уйимга келгандек келаман. Ўзбекистонга илк маротаба 1978 йилда Спартакиада вақтида келгандим. Бугунги кунда FIDE жаҳоннинг энг йирик спорт ташкилотларидан бири ҳисобланади. Федерацияга 188 мамлакат аъзо. 1995 йилда шахмат спорт тури сифатида тан олинмаганди. 1999 йилга келиб шахмат Халқаро олимпия қўмитаси томонидан спорт тури сифатида расман тан олинган. Айни пайтда жаҳон бўйлаб 600 миллиондан ортиқ инсон шахмат ўйнайди. Мақсадим 2020 йилгача ушбу кўрсаткични 1 миллиардга етказиш. Бу ердан Рустам Қосимжонов, Нодирбек Абдусатторов каби гроссмейстерлар етишиб чиққан. Ўзбекистон шахмат федерацияси энг фаол федерациялардан бири ҳисобланади. Дмитрий Ли билан бирга ўзбек шахматидаги камчиликлар бартараф этилишига, спорт тури янги босқичга олиб чиқилишига ишончим комил”, деди Кирсан Илюмжинов.
Бутунжаҳон шахмат федерацияси раҳбари нутқи давомида шахмат ватани Покистон, Ҳиндистон ёки Эрон эмас, балки Ўзбекистон эканлигини айтди. Бу факт илмий тадқиқотлар, тарихчи олимлар томонидан ўрганиб чиқилган изланишлар натижаси эканлиги, FIDE бу борада Халқаро Олимпия қўмитасига расмий хат тайёрлаётгани ва яқин орада Ўзбекистон шахмат ватани деб расман тан олиниши маълум қилди.
Конференция кун тартиби Ўзбекистон шахмат федерациясига янги раис сайлаб олиш, шунингдек, шу йил октябрь ойида бўлиб ўтадиган Бутунжаҳон шахмат федерацияси (FIDE) президентлиги сайлови учун Кирсан Илюмжинов номзодини илгари суришдан иборат бўлди.
Шахмат федерация раиси лавозимига Ўзбекистон Республикаси Президенти ҳузуридаги лойиҳа бошқаруви Миллий агентлиги директорининг биринчи ўринбосари Дмитрий Романович Ли номзоди иштирокчилар томонидан бир овоздан номзодини қўллаб-қувватланди. Шу тариқа, Дмитрий Ли Ўзбекистон шахмат федерациясининг янги раиси этиб сайланди.
“Билдирилаётган ишонч учун раҳмат айтаман. Ўзбекистонда шахматга оид Президент қарори бор. Ўзбек шахматини қўллаб-қувватлаш, ёрдам бериш учун барча чорани амалга ошираман. Шахмат инсоннинг интелектуал, мантиқий фикрлашини ривожлантиради”, деди Дмитрий Ли.
Шундан сўнг, Бутунжаҳон шахмат федерацияси ва Ўзбекистон шахмат федерацияси низомига биноан, шу йил Батумида бўлиб ўтадиган FIDE президентлик сайлови учун Ўзбекистон шахмат федерацияси номидан 1995 йилдан бери ушбу ташкилотга раҳбарлик қилиб келаётган, етти маротаба FIDE президентлиги лавозимига қайта сайланган Кирсан Илюмжинов номзодини илгари суриш масаласи кўрилди. Конференция қатнашчилари бир овоздан Кирсан Николаевич Илюмжинов номзодини FIDE президентлиги учун номзод сифатида қайд этишди.
“Тошкент мен учун қадрли шаҳар. Бу ерга ўз уйимга келгандек келаман. Ўзбекистонга илк маротаба 1978 йилда Спартакиада вақтида келгандим. Бугунги кунда FIDE жаҳоннинг энг йирик спорт ташкилотларидан бири ҳисобланади. Федерацияга 188 мамлакат аъзо. 1995 йилда шахмат спорт тури сифатида тан олинмаганди. 1999 йилга келиб шахмат Халқаро олимпия қўмитаси томонидан спорт тури сифатида расман тан олинган. Айни пайтда жаҳон бўйлаб 600 миллиондан ортиқ инсон шахмат ўйнайди. Мақсадим 2020 йилгача ушбу кўрсаткични 1 миллиардга етказиш. Бу ердан Рустам Қосимжонов, Нодирбек Абдусатторов каби гроссмейстерлар етишиб чиққан. Ўзбекистон шахмат федерацияси энг фаол федерациялардан бири ҳисобланади. Дмитрий Ли билан бирга ўзбек шахматидаги камчиликлар бартараф этилишига, спорт тури янги босқичга олиб чиқилишига ишончим комил”, деди Кирсан Илюмжинов.
Бутунжаҳон шахмат федерацияси раҳбари нутқи давомида шахмат ватани Покистон, Ҳиндистон ёки Эрон эмас, балки Ўзбекистон эканлигини айтди. Бу факт илмий тадқиқотлар, тарихчи олимлар томонидан ўрганиб чиқилган изланишлар натижаси эканлиги, FIDE бу борада Халқаро Олимпия қўмитасига расмий хат тайёрлаётгани ва яқин орада Ўзбекистон шахмат ватани деб расман тан олиниши маълум қилди.
Акмалхон Эшонхонов
