Долзарб муаммолар ва уларнинг ечими бўйича аниқ таклифлар бу нашрларда ўз ифодасини топмаяпти.
Сиёсий партиялар муассислигидаги газеталарнинг савияси (“Ўзбекистон овози” газетасини истисно қилганда) талабга жавоб бермаётгани ҳақида Қонунчилик палатасида 12 июль куни бўлиб ўтган видеоселекторда Президент Шавкат Мирзиёев таъкилаб ўтди.
Ушбу нашрлар ададини жам қилганда 60 мингга етмаётгани ҳаётдаги долзарб муаммолар ва уларнинг ечими бўйича аниқ таклифлар бу нашрларда ўз ифодасини топмаётгани билан изоҳланди.
“Хусусий нашрлардан мисол келтирайлик. Масалан, биз одатда “кўнгилочар нашрлар” деб биладиган “Даракчи”, “Тасвир”, “Сўғдиёна” каби газеталар нафақат енгил-елпи гапларни, шу билан бирга, муҳим ҳаётий масалаларни, айтайлик, коммунал хизмат, бозорлардаги нарх-наво, тиббиёт, транспорт масаласи, тадбиркорлик билан боғлиқ муаммоларни ҳам атрофлича ёритаётгани учун тиражи ошиб бормоқда. Нима учун партия нашрлари бу масалаларда улар билан рақобат қила олмаяпти?”, деди Шавкат Мирзиёев
Президент ўз нутқида партиялар раҳбарларининг муҳим масалалар бўйича телевидение орқали ўз позициясини билдирмаётганини ҳам қўшимча қилди.
Ушбу нашрлар ададини жам қилганда 60 мингга етмаётгани ҳаётдаги долзарб муаммолар ва уларнинг ечими бўйича аниқ таклифлар бу нашрларда ўз ифодасини топмаётгани билан изоҳланди.
“Хусусий нашрлардан мисол келтирайлик. Масалан, биз одатда “кўнгилочар нашрлар” деб биладиган “Даракчи”, “Тасвир”, “Сўғдиёна” каби газеталар нафақат енгил-елпи гапларни, шу билан бирга, муҳим ҳаётий масалаларни, айтайлик, коммунал хизмат, бозорлардаги нарх-наво, тиббиёт, транспорт масаласи, тадбиркорлик билан боғлиқ муаммоларни ҳам атрофлича ёритаётгани учун тиражи ошиб бормоқда. Нима учун партия нашрлари бу масалаларда улар билан рақобат қила олмаяпти?”, деди Шавкат Мирзиёев
Президент ўз нутқида партиялар раҳбарларининг муҳим масалалар бўйича телевидение орқали ўз позициясини билдирмаётганини ҳам қўшимча қилди.
Мусулмонбек Иброҳимов
