...
МЕНЮ
ONLINE TV

Мирзиёев Мирзачўлда боғча ва поликлиникани кўздан кечирди


20:11, 30.01.2019 Жамият
 6 227

Давлат раҳбари Мирзачўл тумани кўп тармоқли марказий поликлиникасини ҳам кўздан кечирди.

Ўзбекистон Президенти Шавкат Мирзиёев Мирзачўл туманидаги “Бинафша” давлат мактабгача таълим муассасасида яратилган шароитлар билан танишди.
 
Муассаса 280 ўринга мўлжалланган. Машғулот хоналари болаларни мактабга тайёрлаш бўйича илғор методикалар асосида, замонавий инвентарлар билан жиҳозланган. Спорт ва ўйин майдончалари қурилган. Турли интерфаол ўйинлар, буюмлар ва ўйинчоқлар болаларнинг ақлини чархлашга йўналтирилган.
 
“Мактабгача таълим тизимини ривожлантириш, фарзандларимизга яхши тарбия бериш доимий эътиборимизда бўлади. Боғчага борган боланинг соғлиғи мустаҳкам, дунёқараши кенг, ўзига ишончи юқори бўлади”, деган Шавкат Мирзиёев.


 
Президент бу борадаги ишларни изчил давом эттириш, давлат ва хусусий боғчалар ташкил этиш орқали болалар қамровини кўпайтириш, шу билан бирга таълим-тарбия сифатини ошириш зарурлигини таъкидлади.
 
Давлат раҳбари Мирзачўл тумани кўп тармоқли марказий поликлиникасини ҳам кўздан кечирди.
 
Поликлиника биноси “Обод қишлоқ” дастури асосида замонавий қилиб қурилган. Терапевт, педиатр, жарроҳ, стоматолог, офтольмолог, травматолог, невропотолог, психиатр каби мутахассислар зарур диагностика аппаратлари ва асбоб-ускуналар билан таъминланган.


 
250 қатновга мўлжалланган муассасада аҳолига қулайлик яратиш мақсадида электрон рўйхатга олиш тизими жорий қилинган. Аёллар маслаҳатхонаси, кундузги стационар, ижтимоий дорихона ташкил этилган.

Суннатилла Абдуллаев

Теглар:Мирзачўл Шавкат Мирзиёев боғча поликлиника 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар