...
МЕНЮ
ONLINE TV

Ўзбекистонда илк бор Google’нинг дастурчилар фестивали бўлиб ўтади


19:13, 14.11.2018 Технология
 2 909

GDG-Tashkent – DevFest фестивалида иштирок этиш учун Google компаниясининг мутахассиси Эли Каплан Тошкентга ташриф буюради.

Google Developers Group (GDG)нинг асосий тадбирларидан бири бўлган GDG-DevFest дастурчилар фестивали илк бор Ўзбекистонда бўлиб ўтади. Бу ҳақда Ўзбекистон Республикаси Халқ таълими вазирлиги хабар бермоқда.
 
Фестивал 24 ноябрь куни Тошкент шаҳридаги Инҳа университетида ташкил этилиши режалаштирилган. Тадбир GDG Tashkent гуруҳи, Тошкент шаҳридаги Инҳа университети (IUT), Ўзбекистон ёшлар иттифоқи, Google компанияси, Ўзбекистон Республикаси Халқ таълими вазирлиги ва БМТ Тараққиёт Дастурининг Ўзбекистондаги ваколатхонаси кўмагида амалга оширилади.
 
GDG-DevFest фестивали Google Developers Group жамоалари томонидан ҳар йил ўтказиладиган глобаль тадбирлардан биридир. Ушбу тадбир доирасида дастурчилар, IT-мутахассислар ва янги технологияларга бефарқ бўлмаган одамлар Google компаниясининг сўнги технологиялари ва ишланмалари билан танишадилар.


 
GDG-Tashkent – DevFest фестивалида иштирок этиш учун Google компаниясининг мутахассиси Эли Каплан Тошкентга ташриф буюради.
 
Фестиваль иштирокчилари маҳаллий ва хорижлик мутахассислар билан ахборот технологиялари соҳасидаги сўнгги тенденцияларни кун давомида муҳокама қилишади.
 
Хусусан, иштирокчилар блокчейндан фойдаланиш, мобил иловаларни яратиш, VR/AR технологияларини бизнесга ишлатиш ва бошқа мавзулардаги муҳокамаларда иштирок этадилар.
 
Эслатиб ўтамиз, 2015 йилдан бошлаб IUT ёш мутахассислар учун Google I/O Extended Tashkent конференциясини ўтказиб келмоқда. Конференция ўзбекистонлик ёш мутахассисларини Google компаниясининг инновацион ечимлари билан танишиш учун ўзига хос платформа сифатида хизмат қилмоқда.

Теглар:Google Developers Group Google Халқ таълими вазирлиги 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!