“Барселона” ҳужумчиси 24 ноябрь куни яна бир соврин билан тақдирланади.
Каталониянинг “Барселона” клуби ҳужумчиси Лионель Месси 24 ноябрь, жума куни УЕФА таркибига кирадиган мамлакатлар орасида ўтказиладиган чемпионатларда энг кўп гол урган футболчига топшириладиган “Олтин бутса” соврини билан тақдирланади. Бу ҳақда “Soccer.ru” нашри хабар берди.
Хабарда айтилишича, Месси 2016/2017 йил мавсумида энг кўп гол урган футболчини аниқлаш борасидаги сўровнома натижасига кўра 74 балл тўплаб, “Спортинг” ҳужумчиси Бас Дост ва “Боруссия Дортмунд” клуби тўпурари Пьер-Эмерик Обамеянг каби футболчиларни ортда қолдирган.
Аргентиналик футболчи ушбу совринни 4-марта қўлга киритмоқда. Унинг асосий рақобатчиси ҳисобланмиш Криштиану Роналдуда ҳам 4 та “Олтин бутса”си бор.
Совринни топшириш маросими Барселона шаҳрида бўлиб ўтади.
Маълумот ўрнида айтиш жоизки, Лионель Месси ўтган мавсум Испания чемпионатида 4936 дақиқа ҳаракат қилиб, 58 та гол урган бўлса, Европа чемпионлар лигаси мусобақасида 810 дақиқа давомида 11 та гол урган.
Эслатиб ўтамиз, Месси яқинда 2016/17 йил мавсумида кўрсатган хизматлари учун “Барселона” жамоаси томонидан “Альдо Ровира” соврини билан бешинчи марта тақдирланганди.
Хабарда айтилишича, Месси 2016/2017 йил мавсумида энг кўп гол урган футболчини аниқлаш борасидаги сўровнома натижасига кўра 74 балл тўплаб, “Спортинг” ҳужумчиси Бас Дост ва “Боруссия Дортмунд” клуби тўпурари Пьер-Эмерик Обамеянг каби футболчиларни ортда қолдирган.
Аргентиналик футболчи ушбу совринни 4-марта қўлга киритмоқда. Унинг асосий рақобатчиси ҳисобланмиш Криштиану Роналдуда ҳам 4 та “Олтин бутса”си бор.
Совринни топшириш маросими Барселона шаҳрида бўлиб ўтади.
Маълумот ўрнида айтиш жоизки, Лионель Месси ўтган мавсум Испания чемпионатида 4936 дақиқа ҳаракат қилиб, 58 та гол урган бўлса, Европа чемпионлар лигаси мусобақасида 810 дақиқа давомида 11 та гол урган.
Эслатиб ўтамиз, Месси яқинда 2016/17 йил мавсумида кўрсатган хизматлари учун “Барселона” жамоаси томонидан “Альдо Ровира” соврини билан бешинчи марта тақдирланганди.
Акмалхон Эшонхонов
