Унда минтақа учун жуда ҳам долзарб масалалар кўриб чиқилди.
Бугун, 6 октябрь куни Қирғизистон Республикасининг Чўлпонота шаҳрида Марказий Осиё ички ишлар вазирларининг Биринчи йиғилиши бўлиб ўтди.
Унда Қозоғистон, Тожикистон, Ўзбекистон ва Қирғизистон Республикалари ички ишлар вазирлари қатнашди. Ўзбекистон Республикаси Ички ишлар вазири, генерал-майор Пўлат Бобожонов ҳам мазкур йиғилишда иштирок этди.
Йиғилишда уюшган жиноятчиликка қарши курашиш соҳасидаги ҳамкорликни такомиллаштириш механизмлари, республикаларнинг чегара ҳудудларида жамоат тартиби ва хавфсизликни таъминлашда ички ишлар органларининг ўзаро ҳамкорлиги муҳокама қилинган.
Бундан ташқари, ушбу йиғилишда минтақанинг умумий манфаатлари учун муҳим ҳисобланган ижтимоий тармоқлар орқали сунъий наркотик ва психофаол моддаларнинг тарқатилишига қарши курашиш, экстремизм ва терроризмни молиялаштиришда пул маблағларини электрон ҳамда интернет тармоқлари орқали ҳисобга ўтказишга қарши олиб борилган ишлар юзасидан тажриба алмашилган.
Унда Қозоғистон, Тожикистон, Ўзбекистон ва Қирғизистон Республикалари ички ишлар вазирлари қатнашди. Ўзбекистон Республикаси Ички ишлар вазири, генерал-майор Пўлат Бобожонов ҳам мазкур йиғилишда иштирок этди.
Йиғилишда уюшган жиноятчиликка қарши курашиш соҳасидаги ҳамкорликни такомиллаштириш механизмлари, республикаларнинг чегара ҳудудларида жамоат тартиби ва хавфсизликни таъминлашда ички ишлар органларининг ўзаро ҳамкорлиги муҳокама қилинган.
Бундан ташқари, ушбу йиғилишда минтақанинг умумий манфаатлари учун муҳим ҳисобланган ижтимоий тармоқлар орқали сунъий наркотик ва психофаол моддаларнинг тарқатилишига қарши курашиш, экстремизм ва терроризмни молиялаштиришда пул маблағларини электрон ҳамда интернет тармоқлари орқали ҳисобга ўтказишга қарши олиб борилган ишлар юзасидан тажриба алмашилган.
Дилмуроджон Раҳимов
