Айни дамда европа шоу-бизнесига интилаётган хонандага ўзбек санъатидан бироз танаффус керакдир.
Хонанда Лола Йўлдошеванинг кийиниш услуби ва очиқ-сочиқ либосларига нисбатан танқидлар қанча ортмасин, Лола пинагини ҳам бузмаяпти. Хонанданинг куни кеча мухлислар эътиборига ҳавола этган “Я вода” қўшиғига ишланган видеоклипи ҳам танқидлардан мустасно эмас. Ўтган ой АҚШнинг Нью-Йорк шаҳрида концерт дастурини ҳавола этган хонанда энди Москвага отланяпти. У Instagram’даги шахсий саҳифаси орқали россиядаги мухлисларига мурожаат қилди.
“Менинг қадрдон мухлисларим! Биз дунёнинг турли манзилларида яшаймиз. Орамизда узоқ масофалар, шаҳарлар, ҳаттоки, океанлар бўлсада, биз Instagram оламида доимо биргамиз. Менинг Нью-Йоркдаги концертимдан сўнг, орамиздаги бу масофалар қисқарди. Кўпчилик мухлисларимнинг талаб ва истакларига биноан кейинги бекат Москва. Бу концерт нафақат сизлар учун, балки мен учун ҳам узоқ кутилган дастурлардан биридир. Бу учрашувимизни мен ҳам жуда узоқ кутдим! Демак, 7 август соат 19:00да “Космос” концерт залида кўришамиз. Ҳар бирингизни интизорлик билан кутиб қоламан”, деб ёзади Лола Йўлдошева.
Авваллари хонанда Шаҳзоданинг либослари ва ижодига нисбатан кўп танқидлар бўлганди. Унинг ҳам Ўзбекистондаги фаолияти бир қанча вақт тўхтатилганда хонанда Россия шоу-бизнесидан қўним топди ва 7 йилдан сўнг ўзбек шоу-бизнесига қайтди. Бироқ бу қайтиш Шаҳзодани буткул ўзгартирган эди. У энди ўзбек хонандаси деган номга жавоб бера оларди. Очиқ-сочиқ либослардан ҳоли, “оммавий маданият” ниқоби остидаги таҳдидлардан йироқ клиплари билан яна эътиборга тушди, халқ меҳрини қозонди. Лола Йўлдошеванинг бугунги хатти-ҳаракатлари, очиқ-сочиқ либослари ва европа шоу-бизнесига интилиши кечаги Шаҳзодани эслатяпти. Балки Лолага ҳам танаффус керакдир. Энди у на мухлисларининг танқиди ва на “Ўзбекнаво”нинг чекловларини писанд қиляпти. Оёғини очиб суратга тушишни канда қилмаётган хонанданинг “Я вода” клипи ҳам мухлисларни ҳайратда қолдирди. Томошабинлар клипдаги лавҳаларни танқид қилишдан тинмаяпти. Ўзимизнинг “MY5” телеканали эса бу клипни қайта-қайта намойиш этишдан чарчамаяпти. Кўрамиз, буёғи нима бўларкин...
“Менинг қадрдон мухлисларим! Биз дунёнинг турли манзилларида яшаймиз. Орамизда узоқ масофалар, шаҳарлар, ҳаттоки, океанлар бўлсада, биз Instagram оламида доимо биргамиз. Менинг Нью-Йоркдаги концертимдан сўнг, орамиздаги бу масофалар қисқарди. Кўпчилик мухлисларимнинг талаб ва истакларига биноан кейинги бекат Москва. Бу концерт нафақат сизлар учун, балки мен учун ҳам узоқ кутилган дастурлардан биридир. Бу учрашувимизни мен ҳам жуда узоқ кутдим! Демак, 7 август соат 19:00да “Космос” концерт залида кўришамиз. Ҳар бирингизни интизорлик билан кутиб қоламан”, деб ёзади Лола Йўлдошева.
Авваллари хонанда Шаҳзоданинг либослари ва ижодига нисбатан кўп танқидлар бўлганди. Унинг ҳам Ўзбекистондаги фаолияти бир қанча вақт тўхтатилганда хонанда Россия шоу-бизнесидан қўним топди ва 7 йилдан сўнг ўзбек шоу-бизнесига қайтди. Бироқ бу қайтиш Шаҳзодани буткул ўзгартирган эди. У энди ўзбек хонандаси деган номга жавоб бера оларди. Очиқ-сочиқ либослардан ҳоли, “оммавий маданият” ниқоби остидаги таҳдидлардан йироқ клиплари билан яна эътиборга тушди, халқ меҳрини қозонди. Лола Йўлдошеванинг бугунги хатти-ҳаракатлари, очиқ-сочиқ либослари ва европа шоу-бизнесига интилиши кечаги Шаҳзодани эслатяпти. Балки Лолага ҳам танаффус керакдир. Энди у на мухлисларининг танқиди ва на “Ўзбекнаво”нинг чекловларини писанд қиляпти. Оёғини очиб суратга тушишни канда қилмаётган хонанданинг “Я вода” клипи ҳам мухлисларни ҳайратда қолдирди. Томошабинлар клипдаги лавҳаларни танқид қилишдан тинмаяпти. Ўзимизнинг “MY5” телеканали эса бу клипни қайта-қайта намойиш этишдан чарчамаяпти. Кўрамиз, буёғи нима бўларкин...
