ЖЧ-2018. Бельгия Панама дарвозасига жавобсиз учта гол урди

Жаҳон чемпионатининг 5-куни. Бельгия терма жамоаси Сочидаги муҳташам “Олимпийский” стадионида Панама терма жамоаси билан баҳс олиб борди.
 
Ўйинда кутилганидек, Бельгия устунликка эга бўлиб йирик ҳисобдаги ғалабага эришди. Ўйиннинг биринчи бўлимида гол киритилмаган бўлсада, иккинчи бўлимнинг стартида Мертенс супер голи билан ҳисобни очди.
 
Голдан руҳланган бельгиялик футболчилар олдинга юришда давом этди. 69- ва 75-дақиқаларда Ромелу Лукаку дубль қайд этиб якуний ҳисобни таъминлади. Ушбу ўйинда кутилганидек Бельгия катта устунликка эга бўлди ва фаворитлар қаторида эканлигини исботлай олди.
 
ЖЧ-2018. “G” гуруҳи.
Бельгия – Панама 3:0 (0:0, 3:0).
Голлар: Мертенс (47), Лукаку (69, 75).
 
Бельгия – Куртуа, Боята, Вертонген, Менье, Алдервейрелд, де Брюйне, Феррейра Карраско (Дембеле, 74), Витцель (Шадли, 90), Азар, Мертенс (Азар, 83), Лукаку.
 
Панама – Пенедо, Торрес, Дэвис, Мурильо, Эскобар, Годой, Гомес, Купер, Барсенас (Торрес, 63), Родригес (Диас, 63), Перес (Техада, 73).
 
Огоҳлантиришлар: Менье (14), Дэвис (18), Барсенас (45), Купер (49), Мурильо (51), Годой (57), Вертонген (59), де Брюйне (88).