...
МЕНЮ
ONLINE TV

Италиянинг янги элчиси Абдулазиз Камилов билан учрашди


11:45, 09.09.2016 Жамият
 2 326

Италиялик дипломат Ўзбекистон Ҳукумати ва халқига Ўзбекистон Республикасининг Биринчи Президенти Ислом Каримовнинг вафоти муносабати билан ҳамдардлик билдирди.

Кеча, 8 сентабрь куни Ўзбекистон Республикаси Ташқи ишлар вазири Абдулазиз Камилов Италия Республикасининг янги тайинланган Фавқулодда ва Мухтор Элчиси Андреа Бертоззини қабул қилди. Бу ҳақда Ўзбекистон Республикаси Ташқи ишлар вазирлиги Матбуот хизмати хабар бермоқда.
 
Элчи ишонч ёрлиқлари нусхасини топширди.
 
Италиялик дипломат Ўзбекистон Ҳукумати ва халқига Ўзбекистон Республикасининг Биринчи Президенти Ислом Каримовнинг вафоти муносабати билан ўз мамлакати раҳбариятининг ҳамдардлик ва далда сўзларини етказар экан мамлакатларимиз ўртасидаги муносабатларни ўрнатиш ва ривожлантиришда Ислом Каримов муҳим роль ўйнаганини таъкидлади, дейилади хабарда.
 
Мулоқот давомида Ўзбекистон-Италия ҳамкорлигини янада мустаҳкамлаш ҳамда унинг кун тартибини кенгайтиришнинг истиқболли йўналишлари юзасидан фикр алмашилди.

Теглар:Андреа Бертоззи Абдулазиз Камилов ТИВ Ўзбекистон-Италия 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар