“Раҳбар бўлсанг, китоб ўқи!” маънавий-маърифий ташаббуси олға сурилмоқда.
Ўзбекистон матбуот ва ахборот агентлиги Бош директорининг буйруғи билан Агентлик марказий аппарати, тизимдаги нашриёт-матбаа ижодий уйлари, Қорақалпоғистон Республикаси матбуот ва ахборот агентлиги, Тошкент шаҳар ва вилоятлар матбуот ва ахборот бошқармалари раҳбар-ходимлари ҳар ойда камида биттадан бадиий асар ўқиши лозимлиги белгилаб қўйилди. Бу ҳақда агентликдан хабар қилинди.
“Раҳбар бўлсанг, китоб ўқи!” маънавий-маърифий ташаббусига асосан тизим бўйича ҳар ойнинг охирги шанба куни “Мутолаа ҳисоботи” куни этиб белгиланди. Унга кўра, ҳар бир раҳбар-ходим ўша куни ўзи ишлаётган идоранинг расмий веб-сайтида ўқиган китоби ҳақида ёзган таассуротларини эълон қилади.
Энг китобхон раҳбарларнинг ёзган ҳисоботларига қараб Ўзбекистон матбуот ва ахборот агентлиги томонидан рағбатлантириб борилади. Бунда раҳбар-ходимнинг ўз оиласида китоб ўқишга тарғиб қилиш фаолияти ҳам ҳисобга олинади.
Бундан ташқари, Агентлик 1500 дан ошиқ оммавий ахборот воситаси, 130 дан ортиқ нашриёт ва 1800 га яқин босмахонада меҳнат қилаётган минглаб соҳа раҳбарларини ҳам ушбу ташаббусни фаол қўллаб-қувватлашга чорлаган.
“Раҳбар бўлсанг, китоб ўқи!” маънавий-маърифий ташаббусига асосан тизим бўйича ҳар ойнинг охирги шанба куни “Мутолаа ҳисоботи” куни этиб белгиланди. Унга кўра, ҳар бир раҳбар-ходим ўша куни ўзи ишлаётган идоранинг расмий веб-сайтида ўқиган китоби ҳақида ёзган таассуротларини эълон қилади.
Энг китобхон раҳбарларнинг ёзган ҳисоботларига қараб Ўзбекистон матбуот ва ахборот агентлиги томонидан рағбатлантириб борилади. Бунда раҳбар-ходимнинг ўз оиласида китоб ўқишга тарғиб қилиш фаолияти ҳам ҳисобга олинади.
Бундан ташқари, Агентлик 1500 дан ошиқ оммавий ахборот воситаси, 130 дан ортиқ нашриёт ва 1800 га яқин босмахонада меҳнат қилаётган минглаб соҳа раҳбарларини ҳам ушбу ташаббусни фаол қўллаб-қувватлашга чорлаган.
