
Тест синовларида 29 минг 322 нафар абитуриент иштирок этган.
1-сменада 13 та олий таълим муассасаларининг 39 та таълим йўналишида тест синовлари бир вақтда соат 8:00 дан бошланиб, 11:30 га қадар тўлиқ якунланган.
Тест синовларида 29 минг 322 нафар абитуриент иштирок этган. Тезкор маълумотларга кўра, имтиҳонларда 750 нафар абитуриент турли сабабларга кўра тест синовларига келмаган.
Тест синовлари тартиб қоидаларини бузганлиги сабабли 78 нафар абитуриент, шундан 43 нафари ҳудудга кириш жойида уяли телефон, шпаргалкалар олиб киришга ва ўзгалар ўрнига киришга, 35 нафари бино ичида шпаргалкадан фойдаланишга, бошқа абитуриентга ёрдам беришга уринганлиги учун тест синовларидан четлаштирилган.
Тест синовларини ўтказишга таълим муассасаларидан тест синовлари ўтказиш тартиб-қоидалари ва технологияси бўйича махсус тайёргарликдан ўтган 2 379 нафар гуруҳ назоратчилари жалб этилган.
Тест натижалари Фельдъегерлик хизмати томонидан махфийлиги ва дахлсизлигини таъминлаган ҳолда Давлат тест марказига 2-cмена якунлангандан сўнг, соат 18:30 дан қайтарилади.
Тошкент шаҳрида тест материаллари соат 12:00 дан бошлаб Давлат тест марказига қайтарилади.
Етиб келган тест натижалари бўйича дарҳол компьютер ёрдамида қайта ишлаш жараёни бошланади. ДТМ ходимлари ташқарига чиқмасдан, телефон ва бошқа алоқа воситаларидан фойдаланмаган ҳамда тест материалларининг махфийлигини таъминлаган ҳолда тест материалларини қайта ишлайди.
Тест синовлари белгиланган режа асосида ўтказилган ва ўтказиш жараёнида ҳеч қандай кўнгилсиз ҳодисалар рўй бермаган.