Дональд Трамп Билл Клинтоннинг тиббий суғурта борасидаги фикрини қўллаб-қувватлаган бўлса-да, бу хулоса унинг рақиби, яъни Клинтон хонимнинг қистови остида қабул қилинганлигини ҳам айтиб ўтди.
АҚШ собиқ президенти Билл Клинтон қўшма штатларда айни вақтдаги тиббий суғурта тизимини танқид қилиб, бу тизимни “Аҳмоқона”, дея атади, деб хабар бермоқда РИА Новости. Билл Клинтон Мичиган штатидаги чиқиши давомида ана шундай хулоса қилган. Унинг айтишича, 25 миллиондан ортиқ кишининг тиббий хизматлардан фойдаланиши ақлга сиғмайди. Натижада уларнинг суғурта бадали икки карра ошади, тиббий ҳимоя эса икки карра қисқаради. Клинтон, шунингдек, бу тизим иш бермаслигини рўкач қилиб, “Жаҳондаги энг тентак ҳаракат”, дея қўшимча қилди.
АҚШ президенти Барак Обаманинг бу борадаги ислоҳоти 2010 йилда Конгресс томонидан қабул қилинганди. Унга кўра, миллионлаб аҳоли субсидияланган (маълум қисми қопланган) тиббий суғурта хизматидан фойдалана олган. Бундан ташқари, суғурта қилмаган америкаликлар ҳам бу хизматдан фойдалана олишган.
Баъзи тадбиркорлар учун бозордаги кутилмаган ўзгаришлар туфайли суғурта баҳоси кўтарилди. Билл Клинтоннинг таъкидлашича, унинг рафиқаси, яъни АҚШ президентлигига номзод Ҳиллари Клинтон томонидан тақдим этилган ислоҳот кам даромадли аҳолининг ҳам тиббий ёрдам олиши учун имкон яратади.
Шу қаторда АҚШ президентлигига номзодлардан яна бири Республикачилар партиясидан Дональд Трамп ҳам Аризонадаги чиқиши давомида Клинтоннинг фикрини маъқуллади. Трамп, ҳатто, адолат учун Билл Клинтонга миннатдорчилик билдирган.
АҚШ президенти Барак Обаманинг бу борадаги ислоҳоти 2010 йилда Конгресс томонидан қабул қилинганди. Унга кўра, миллионлаб аҳоли субсидияланган (маълум қисми қопланган) тиббий суғурта хизматидан фойдалана олган. Бундан ташқари, суғурта қилмаган америкаликлар ҳам бу хизматдан фойдалана олишган.
Баъзи тадбиркорлар учун бозордаги кутилмаган ўзгаришлар туфайли суғурта баҳоси кўтарилди. Билл Клинтоннинг таъкидлашича, унинг рафиқаси, яъни АҚШ президентлигига номзод Ҳиллари Клинтон томонидан тақдим этилган ислоҳот кам даромадли аҳолининг ҳам тиббий ёрдам олиши учун имкон яратади.
Шу қаторда АҚШ президентлигига номзодлардан яна бири Республикачилар партиясидан Дональд Трамп ҳам Аризонадаги чиқиши давомида Клинтоннинг фикрини маъқуллади. Трамп, ҳатто, адолат учун Билл Клинтонга миннатдорчилик билдирган.
Дурдона Расулова
