Футболчига рақиб жамоанинг икки ўйинчиси зарба берган.
Аргентинанинг “Сан Хорхе де Вилья Элиса” жамоаси футболчиси Микаэль Фавре мамлакат шимоли-шарқидаги Энтре-Риос провинциясида “Дефенсорес де Колон” жамоаси билан ўтган минтақавий лига матчида олган жароҳати туфайли вафот этди, деб ёзади “Lenta.ru”.
Рақиб команда футболчиларидан бирининг тиззаси 24 ёшли Микаэль Фавренинг бошига тегади. Орадан кўп ўтмай “Дефенсорес де Колон” жамоаси футболчиларидан яна бири Фавренинг юзига мушт туширган. Фавре ана шу муштдан сўнг ҳушини йўқотган. Футболчига тез тиббий ёрдам кўрсатилган, аммо шифокорлар унинг ҳаётини сақлаб қола олишмаган. Айни дамда “Дефенсорес де Колон” футбол жамоасининг Фаврега зарба берган ҳар икки футболчиси ҳам қамоққа олинган.
Яқин соатлар ичида Фавренинг жасади устида экспертиза ишлари олиб борилади. Шу орқали футболчининг ўлимига қайси зарба сабаб бўлганини билиш мумкин.
2016 йилнинг февралида Финляндиянинг “Хямеэнлинна” ёшлар футбол жамоаси дарвозабони “Хювинкяа” жамоасига қарши мамлакат чемпионати матчида олган жароҳати туфайли вафот этганди. Ўшанда у рақиб жамоа ҳужумчиси билан тўқнашиб кетиб, бошидан жиддий жароҳат олган.
Рақиб команда футболчиларидан бирининг тиззаси 24 ёшли Микаэль Фавренинг бошига тегади. Орадан кўп ўтмай “Дефенсорес де Колон” жамоаси футболчиларидан яна бири Фавренинг юзига мушт туширган. Фавре ана шу муштдан сўнг ҳушини йўқотган. Футболчига тез тиббий ёрдам кўрсатилган, аммо шифокорлар унинг ҳаётини сақлаб қола олишмаган. Айни дамда “Дефенсорес де Колон” футбол жамоасининг Фаврега зарба берган ҳар икки футболчиси ҳам қамоққа олинган.
Яқин соатлар ичида Фавренинг жасади устида экспертиза ишлари олиб борилади. Шу орқали футболчининг ўлимига қайси зарба сабаб бўлганини билиш мумкин.
2016 йилнинг февралида Финляндиянинг “Хямеэнлинна” ёшлар футбол жамоаси дарвозабони “Хювинкяа” жамоасига қарши мамлакат чемпионати матчида олган жароҳати туфайли вафот этганди. Ўшанда у рақиб жамоа ҳужумчиси билан тўқнашиб кетиб, бошидан жиддий жароҳат олган.
Умида Якубова
