...
МЕНЮ
ONLINE TV

АҚШ Россия билан шартнома бўйича бир тўхтамга келган


19:29, 19.12.2018 Жамият
 7 519

Американинг қарори икки йирик давлат ўртасида қуролланиш пойгасининг бошланиши бўлиши мумкин.

АҚШ Ўрта ва қисқа масофага учадиган ракеталарни йўқ қилиш бўйича шартнома (ЎҚРБШ)дан чиқиш бўйича якуний қарорга келган. Бу қарор юзасидан муҳокама ва таклифларга ҳеч қандай ўрин йўқ, деб таъкилади Россия Федерацияси ташқи ишлар вазири ўринбосари Сергей Рябков.
 
Унинг сўзларига кўра, АҚШнинг келишувдан чиқиши мамлакатлар ўртасидаги муаммода эмас, шунчаки, америкаликлар ўзлари учун ноқулай ва айрим ҳаракатларни тақиқловчи шартномадан халос бўлмоқчи.
 
“Уларга кўра, ЎҚРБШ АҚШни ўрта ва қисқа масофага учувчи ракеталар ишлаб чиқарувчи мамлакатлар олдида заиф қилиб қўяди. Бу ҳолат Америка манфаатларига зид ва ўзига хос хавф туғдиради. Шу ўринда Хитой, Эрон ва КХДР тўғридан-тўғри кўрсатиб ўтилади”, деган Рябков.
 
Маълумот учун, президент Дональд Трамп АҚШ ЎҚРБШдан чиқишини жорий йилнинг 20 октябрь куни маълум қилганди. Унинг сўзларига кўра, расмий Москва келишувга зид ҳаракатлар амалга оширган.
 
ЎҚРБШ томонларга 500 дан 5,5 минг км.гача масофага уча оладиган қитъалараро баллистик ва қанотли ракеталарга эга бўлишни тақиқлайди. Расмий Москва ва Вашингтон доимий тарзда бир бирин ушбу келишув шартларини бузишда айблаб келади.
 
Эслатиб ўтамиз, Путин Америка ЎҚРБШни тарк этиб, Европа мамлакатларига ракеталар жойлаштиришни бошласа, бунинг оқибати ёмон бўлишини таъкидлаб ўтганди.
Суннатилла Абдуллаев

Теглар:АҚШ-Россия ЎҚРБШ 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз қайси яхна ичимликларни ичасиз?

Барча сўровлар