Айни кунларда мамлакатимиздаги барча мактабларида 1-синфга қабул қилинган ўқувчиларга Президент совғалари топширилмоқда.
Айни кунларда республикамиздаги 9692 мактабда 1-синфга қадам қўяётган ўқувчиларни рўйхатга олиш ишлари якунланиб, уларга Президент Ислом Каримовнинг совғалари тақдим этилмоқда. Бугун, 30 август куни хонанда Адҳам Солиев 1-синфга қадам қўяётган ўқувчилар даврасида меҳмон бўлиб, Президент Ислом Каримовга атаб шеър ўқиган болакайни видеога олиб, телефон хотирасига муҳрлади ва уни ижтимоий тармоқлардаги шахсий саҳифасига жойлаштирди. Йигитча бугунги тинч ва фаровон ҳаёт учун Президент Ислом Каримовга ташаккур айтаркан, кун келиб Ўзбекистон номини дунёга танитишга ваъда берди.
Бундан аввалроқ, Фарғона вилояти Қува туманидаги 64-умумтаълим мактабининг 4“А” синф ўқувчиси Маҳсума Абдулаҳадова шу шеърни ўқиб интернетда машҳур бўлиб кетган эди.
Актриса Ҳалима Ибрагимованинг ўғли ва қизи ҳам бугун минглаб болалар қаторида 1-синфга қадам қўймоқда. Ибрагимова фарзандлари Президент совғаларини қабул қилиб олганини айтиб, ўғил-қизи ва ўзи номидан Президент Ислом Каримовга миннатдорчилик билдириб, унга мустаҳкам соғлик тилади.
